الموضوع: استضافة مزدوجة في أسبوع بقرب الحبيب مع

بعد غياب طويل لموضوع أسبوع بقرب الحبيب
حبيت انه نرجع مرة ثانية نستضيف ضيوفنا الأعزاء ونشاركهم تساؤلتناا
ونعيش تفاصيل حياتهم اسرارهم وكل مايرد في أذهاننا
ونسمح لهم بعيش اجمل اللحظات في الإجابة عن تساؤلاتنا

لأول مرة وكنوع من التجديد والتغير
راح ينورونا هالاسبوع ضيفين
على احلى كرسيين من كراسي الإعتراف
بس طبعا رااح نحتاج كراسي سبشل ومن نوع خاص
وبالحجم الصغير
ضيوفنا هالإسبوع من أصغر الأعضاء اللي سجلواا بمنتدى لونلي من افتتاحه
وبالرغم من صغر سنهم ومشاركتهم بلونلي بفترة ليست بالطويلة
بس كانت لهم لمسات جميلة ومشاراكات مميزة
وفيه ايضاا اكشنات اتوقع سببت حساسيات عند البعض لاكن اكيد دائما نحاول مراعاة فرق السن

ماراح اطول عليكم ضيوفناا هالأسبوع هم البنتين الأمورات



أمون & بنت من هالبنات

طبعاا لاتقصرون معاهم بالأسئلة بس بعد خفواا عليهم هههههههههههههههه

إستلموا أسئلتي لكم :::
نبدااا معاج
amon
بما انج الكبيرة

البطاقة الشخصية

الإسم :
العمر :
المرحلة الدراسية :
الجنسية:
الهوايات :

- بما إنج الأخت الكبيرة فهل تستعملين سلطتج على أخوانج الصغار ومن بينهم ميمي؟
- شو اللي خلاج تسجلين في المنتدى وهل سمحتلج بناتين علطول بالتسجيل ولا سجلتي من وراها؟

بنت من هالبنات

البطاقة الشخصية

الإسم :
العمر :
المرحلة الدراسية :
الجنسية:
الهوايات :

- شورايج في أمون كأخت كبيرة ؟ وهل تسمعين كلامها ؟
- نك نيم بنت من هالبنات في الأساس كان لبناتين وسمتحتلكم تتصفحون املنتدى بهالنك ؟
متى صار النك لج بشكل كااامل وهل كنتي حابة تسجلين بنك يديد مثل مانقول بقراطيسة يعني يكون من الاساس لج
و لو صار شو النك نيم اللي كنتي حابة تسجلين فيه ؟

ملاحظة : الرجاء الإستعانة باللي أكبر منكم لفهم الأسئلة والحصول على الإجابة الكاملة ...

بــ،،،ــمـ اللّـــ\/ـــه الرحـ\/ـمـنــــ الرحـ\/يــمــ

يا سلااااااااامـ

والله من زمااان عن الموضوع

والطرح مميز جدا يا مزووون

ما رح ابدأ اسألة

ننتظر اجابت أسألتك
وبعدها نبدأ


لي عودة ...



إزمز مرَّ من هناآا

هلا باحلى عضوتين ع احلى كرسين ..
طرح ممميز وفكره حلووه

بس وين الاختين نبي نسالهم !!

ننتظر الفراشتان للموضوع ..

لنطرح الأسأله المباشره

***



السلام عليكم ورحمة الله وبركاته

مسا الفل والورد والياسمين لكل عين تقرأ حروفي

آآآآآآي عليك الله يامزون رديتي الروح لهالموضوع

من شفت مسجج امبارحه ( دخلي قسم الترحيب )

ياني فضول قاتل وقلت ف خاطري ياربي منو مسجل ف منتدانا ومزون تبيني ارحب فيه

قعدت افكر وافكر وافكر ..وبرضو قعدت أفكر ..وولعت اللمبة فوق راسي بالليت الاصفريكا

وقلت أكيييييييييييييد هذا ( راعي الإستبيان ) يااااااااااي

وأطلقت العناااااااااان لــ خيالي حتى اني جهزت ردي للترحيب ...

لكن ..

من دخلت الموضوع ...ابتسمت لرجوعه لكن ما توقعت ابد يكونون هالــ خبلتين هم مرتزين ع الكرسي

ملاحظة : الرجاء الإستعانة باللي أكبر منكم لفهم الأسئلة والحصول على الإجابة الكاملة ...

ولا يهمج يتج الفزعه بناتين وبتنسق كل شي ولو تبين تجاوب عنهم بعد ههههههههههههههههه

= لزقة هالبنت ووجه وحدة ما صدقت !

يعطيكم العافيه جميعا

***

السلام عليكم ورحمة الله وبركاته

مشكورة ع الموضوع الجميل مزنة المزيونة ولأنج اخترتينا انا واختي مريم

ومشكورين على الردود


البطاقة الشخصية

الإسم : آمنة
العمر : 12
المرحلة الدراسية : الإبتدائي
الجنسية: الإمارات
الهوايات : كرة قدم + السباحة + التنس

- بما إنج الأخت الكبيرة فهل تستعملين سلطتج على أخوانج الصغار ومن بينهم ميمي؟

أمون : كيف يعني
بناتين : يعني تتحكمين ف اخوانج
أمون : لا
بناتين : بس ,, تكلمي أكثر
أمون : شو اقول
ميمي : لا نحن نتحكم فيها مب هي
بناتين : اسكتي انتي خلي امون تجاوب يلي ما تستحين
أمون :مب ف كل شي .. يعني اذا في شي لازم اتحكم فيه ..أتحكم عادي
بناتين : تبين تضيفين شي على إجابتج
ميمي : يكفي = هاي شو يخصها
أممون : لا بس




- شو اللي خلاج تسجلين في المنتدى وهل سمحتلج بناتين علطول بالتسجيل ولا سجلتي من وراها؟

أمون ( وهي تضحك ): هالسؤال صعب
ميمي + أمون بصوت واحد وشبه ناعم : من وراهااااا
بناتين : أنا أراويكم.. ما تسمعون الكلام هذا وقايلة لكم تسجلون من بعد الــ 18 سنة

السلام عليكم

مشكورة مزون ع الموضوع الغاوي

.. والله يعطيج العافيه ..ونتريا أسئلتكم يا أعضائنا الغالين

البطاقة الشخصية

الإسم : مريم
العمر : 11
المرحلة الدراسية : الإبتدائي \ سادس مع اختي امون
الجنسية: الإمارات
الهوايات : ركوب الخيل + الرماية + كرة قدم + التصوير



- شورايج في أمون كأخت كبيرة ؟

ميمي : ما تنفع تكون أخت كبيرة ..لأنها تعاملني كأني أختها الكبيرة يعني مثل لو أقولها ابي اقعد ع الكمبيوتر هي تقوم وتخليني اقعد ولو ابي الريموت عادي تعطيني اياه ..يعني تسمع كلامي وتخاف مني

أمون ( فزت من مكانها وتأشر بأصبعها اليمين السبابة ) : لا والله ما أخاف منها
ميمي : لا .. تخافين ( وجه يخز )
امون : والله ما اخاف
ومن هالمنطلق وإلى ما سبق ذكره بدأت الضرابه وتنتيف الشعر واستغرقت دقائق معدودة
وبدأت القرون بالنمو براسي واضطريت اني أخلي كل وحدة بمكان عشان اعرف اكتب لكم


وهل تسمعين كلامها ؟

ميمي وترفع كفها كأنها بتحلف حلفان اليمين وبكل وثوق : لا
أمون : لا.. تسمع كلامي.. مرة هي ومرة لأ
ميمي : لااااا ..ما أسمع ..ما أسمع
أمون : بلى تسمعين حتى يوم نكون ف المدرسة ويوم نبا نرد البيت واقولج تعالي اتين ركض
وتبدأ الشحنة مرة ثانية ويرتفع صوت الصراخ وتبدأ الحركات القرعه

- نك نيم بنت من هالبنات في الأساس كان لبناتين وسمتحتلكم تتصفحون املنتدى بهالنك ؟
متى صار النك لج بشكل كااامل وهل كنتي حابة تسجلين بنك يديد مثل مانقول بقراطيسة يعني يكون من الاساس لج
و لو صار شو النك نيم اللي كنتي حابة تسجلين فيه ؟

ميمي تسأل بناتين : متى أعطيتيني النك
بناتين : لمن حطوا قانون يمنعون فيه ..نكين لــ شخص واحد
ميمي : ما اذكر .. بس كنت ابي اسجل بـ راعية الدلع أو ترف الصبا أو وصفة حلا
بناتين ف خاطرها : ( شو هالنكات )

أمون : ليش ميمي جاوبت أكثر


.

كانت معكم مراسلتكم ومسؤولة الفن التعبيري والتنسيق : بناتين

هههههههههههههههههه والله انكم فطستوني من الضحك
ههههههههههههههههههههههههههه
ويالله الفراشتين دخلواا الموضوع استلموهم لي باااك مع اسئلة يديدة وبعض الاستفسارات على اجاباتكم
ويعطيج العافية بناتين الله يعينج لاتحصلين بوكس عالطاير وترى النقل المباشرر وايد حلوو عيبني وايد وايد ههههههههههههه
ويعطيج العافية عالتنسيق عشان نفهم نحن بعد ههههههههههههه
وامون ولايهمج بعطيج كومة اسئلة ماطلبتي شي ...

والله مدري وش السالفه
من جد
لحست مخ

تقدر ترجع لأرشيف اسبوع بقرب الحبيب
والموضوع انه يتم استضافة عضو يقوم الاعضاء بطرح لاسءلة عليه وهو يجاوب عليهم