الموضوع: يوميات قمورة وسوالفها..*_^

بسم الله الرحمن الرحيم..
.
.
.

السلام عليكم ورحمة الله وبركاته

.
.
.
نتيجه الملل والطفش والفراغ اللي عايشته هالايام حبيت اكتب يومياتي ولأول مرة عندكم اهني ف منتديات لونلي..منها اقدر افض افض اهني ..ومنها تتعرفون ع شخصيتي ومغامراتي اكثر وسوالفي العبيطه بعد.. سواء ف الكليه ولا ف البيت..خخخخخ
المهم خلوني ف الاهم..

.
.
.
ان شاء الله من باجر ببدأ اكتب يومياتي لاني اليوم ابد مب رايقه ع قولتكم..

.
.
.

يعني سي يا تومورو

*_^



Keyboard<< بعدين بقولكم شو سر هالكلمه..

بسم الله الرحمن الحيم..

.
.
.

احم احم..نبدا..

.
.
.

ببدأ بروتيني اليومي الملل..انش كل صبح ..وكالعادة منبه للجميع من بعد ابوووي..فديته ..هو يوعيني انا قبل وبعدين انا اكمل عليه واوعي كل واحد على حسب وقته متى يبا يعني..>>..بشكارة ابوهم وانا ما ادري..الاا غصباا ع ويهج بشكارة ابوهم فديته..وبعدين اروح ازهب روحي للكولج اللعين..والساعه سبع اترياااا نوور<<هذا اسم راع الباص..تتحدوون الاسم....وبعدهاا للكليه..وكلاسات وبريكات حالي حال البشر..وبعد الدواااام اعطيه رقاااااااد ولا اروع..لين المغرب..او ساعات استغفرالله اتفوتني صلاة المغرب وارقد لين العشااا..من بعدها اصلي فروضي..ااااااآه <<قاعده اتثاوب..خخخ..ومن بعدها ارووووح افتر ف البيت كله وادور ف الحوووش مثل الميانين ..واجيك اذا وصلتني اي مسجات ..بعدين اروووح عند بابا واتم اقراا عليه لين يرقد ومن بعدها اروح اشوف اذا عندي هووم وورك ولا لا..ممممممممممممممممممممممم..بعدين..اذا دق ف راسي اسهر..اسهر ولا يهمني الدوام..واتم اسهر ع المسلسلات اليابانيه او الكوريه..واذا لا اروح بكرامتي ارقد..واحلم بفارس احلامي << اي فارس اي بطيخ..هواصلا انتي تحلمين بشي..كله سواد ف سواد..ههههههههههههههههههه..وبس..<< هذا هو روتيني اليومي تقربيا..بس ايام الدوام ..طبعا ف الويك اند غيررررر..واحلى شي الويك اند..كل جمعه قوم عذووووب ايووون بيتنا..وكل اخواني وخواتي بعد..فديتهم كلهم.. وتجتمع العايله الكريمه..

.
.
.


خلوني ف اليوم..اليوم..واحد نذل وحيوان ضافني ويقدر يقرا كل سوالفي ..اوكي ..ما عليه قلنا خلنا انكنسل الايميل وانريح راسنا ما في مشكله..بس كييييف عرف ايميلي الثاني ..والله الايميل يديد وفررش..يتني اضافه منه وما سويت له اكسبت..وبعد يقدر يقرااا..ويقول انتي ايه لا تحطين علي ولا تحشين فيني..والله انه كريييييييييه
شو الحل يا ناااااس..كرهني ف حياتي هالعنزززززز استغفر الله العظيم..
اففففففففف..نكد على هاليوم كله..وما خلاني اكتب شي زين..الله يسامحه..شو يستفيد من التجسس..ليش جي هالناس....لييييش..

.
.
.


يتبع

^
^
^
حلت المشكله والحمدالله....بس بعد اعتقد يقدر يقرا سوالفي..سواء ببلوك ولا من غيره..ان شاء الله ما يكون كلامه صج..

.
.
.

والف الشكر لكل من ساندني

.
.
.

اوووووه..نسيت اقولكم.امس شفت بنت اخووووي " العنووووووووووود" او يمكن يسمونها "سلامه" المهم فديييييييييييتها..فرفورة..اول ما شفتها ضحكت عليها ما ادري ليش..جان يستغرب ابوها ويطالعني بنظره يقول فيها هاي بلاها..وشفتها مرة ثانيه واتفديتها لين ارتاااح وقلت فديتها الفرفووووة ليش جي حجمها صغير..وابتسم..وبعدين قلت انت احلى عنها..رد علي لا لا هي احلى عني بواااايد..خخخ<<كنت اسولف وياااه..فديته بو عزااام وااايد يحب بنته..منووو قدهاا تراها البجر..الله يحفظها ويخليها لامها وابوها..والله انها واااااايد كيوووووووووووت ..خاصة لما تفتح عينها..وااااي اموووت انا بنظره من عيونها..خخخخ<< اختربت البنت.. نظرتها كلها براءة ..عاد ما ادري نحن شو بالنسبه لها لين اتشوفنا..بتقوول انا وين..و هايييل امنوو وشو يبون مني..خخخخخ..<< انتي اكبري بس..بعدين بتعرفين نحن منووو عمووو..<<اترياا هالكمله بكل جوارحي


.
.
.

اعتقد ان كلامي خلص..خخخ


وباجل سالفه Keyboard << ادري مذله..




سي يا..*_^

بسم الله الرحمن الرحيم

.
.
.

الويكــ اند ... وبكل اختصار

.
.
.

يوم الخميس يتني حاله نفسيه علاجها قص الشعر وصبغه وطبعا لضمان حياة افضل لي سويت ما هو لمصلحتي..ف قصيت وصبغت >> طبعا من ورى امي.. لانها لو درت بتلعن خيري..بعد القص والصبغ عقدت صفقه مع المتحجبه >>يعني قمت اتحجب ف البيت<< شي غريب..ما علينا اهم شي اني مستانسه ع النيوو لوك..

.
.
.

اما بالنسبه ليوم الجمعه كالعاده يوونا الاخوان والاخوات وطبعا قوم عذووب بعد..ما ناقصنا غير عمر فديته لانه ف الدورة وان شاء الله بيرجع هالاسبوع..
عاد انا محد يرمسني كنت كاشخه بالنيوو لوك وعدسات وحاله..لان ف نفس اليوم كنا عازمين بنات عمتي لبيتنا عاد هاذولا قعدتهم ولا اروع من وصلوو لبيتنا لين راحوو ونحن كاااااااك..كله ضحك ف ضحك <<الا حش ف حش..استغفر الله العظيم..حريم شو يطلع منهم غير الحش..لسانهم متبري منهم..هههههههههههههههه<<اللي يشوفنا يقول عناااا سكيرات..

.
.
.

يعني الحمدالله الويكـ اند كان تمام..بس الشي المحزن فيه.. ان باباتي فديته امس كان تعبان وااايد لدرجة انه كان يحس بصعوبة ف التنفس من شدة الآلام اللي يحس بها ف جسمه ف عشان جي عزوز قال بياخذ للمستشفى بس ابوويه ما رضى قال بسير الصبح..وراحوو اليوم الفير ..ف يا رب تشفيه تحفظه لنا..يارب آمين..


*_^

..يوم الاثنين..

.
.
.

يوم حلووو..مع شوية فرفشه وعبط ف الكليه مع الشله العبيطه فديتهم<< الا وحده خخخخ.. المهم هاليوم مر عادي مثل باقي ايام اللي اداوم فيها الكليه..يعني كشخه ف كشخه وفوقه شوية اكشن بكشن..وفرفشه طول اليوم وااااااو..واحلى المواقف اللي ف البااااص وبالتحديد اخر كرسي.. عند شلة المصرقعين << زعامة الباص ..والله اللي يشوفني هالسنه ما يقول عني انا ...... نفسها اللي ف المدرسة العام...ما ادري شو استوى فيني مرة وحده اتخبلت واستويت حشريه..<< يمكن لاني مليت.. 12 سنه وانا هاديه ومسالمه وما يخصني ف حد..بس بعد هذا مو معنااته اني مووول كنت اوكيك ..مثل ما يقولون من تحت لتحت..خخخ..المهم ما علينا مني خلوني اعرفكم ع الشله الكريمه..Keyboard هاااي انا زعيمتهم..خخخ و النائبة ام الدويس والثالثه عويجه ..والرابعه والكريهه ملاك<< اسم على غير مسمى << انا الصراحه ما اعتبرها من الشله لكن عشان خاطر ام الدويس فديتها متحملنها..خخخ..المهم امس شوي كان عندنا ملل..ف حبينا انا وام الدويس انفرفش الجوو شوية ..طبعا هاييل اللي عندنا بليدات ما يتحركون الا اذا سوينا شي..ف عشان جي حولنا الباص لحديقة حيوانات يعني اللي اتحولت قطوه والثانيه اسد والثالثه جلبه والرابعه عنزه.. الله يخسنا ..حشى مب بنات شباب هههههههههههههههههههههههههه وجان يطيح البوكس لانه عويجه على وشك انها ترقد ونحن خربنا عليها..بعد الظرابه متنا من الضحك على ارواحنا والله انا خبايل..الله يعقلنا ويهدينا..بس والله وناسه..

.
بعد الكليه
.

بعد الكليه خذلتي شااور طويييييييييييييييييييييييييل << اذا دخلت تاخذلها شاور ما تعرف تطلع منه..والله روقااااااااااااان ع الاخر بعد الشاور ورقاااااااد ولا اروع >_< ..بس نشيت بسرررعه على غير العاده..لان اليهال ازعجوني اففف منهم ما يخلون الواحد يرقد..رحت ابا انازعهم.. شفت اختي ومرت اخوي توهم يايين بيتنا وجان ابتسم لهم ابتسامه مزيفه..خخخخ ونسيت سالفة اليهال..ورحت وقعدت وياهم..بعدها رحت اقراا على باباتي لين رقد..مممممممممممممممم وبعدين رحت لخدامتنا حنان << اسم على مسمى..اشووف شو مسويه لنا عشااا واتعشيت..وبعدين رحت وانسدحت على الفراااااااااش وما اروعه..تميت افكر وافكر وافكر وافكر....... ف شوووو .....ما ادري ..هع..وافكر وافكر وافكر.. لين رقدت..>_<

.
.
.

يعني الحمدالله على كل حال

.
.
.

*_^

>_<

>_<

>_<

>_<

>_<

>_<

>_<

>_<

>_<

>_<

>_<

>_<

>_<


الحمدالله على كل حال

..يوم الاثنين..

.
.
.


يوم عادي مثل باقي الايام..يعني رقاد ف رقاد << هاي حياتها كلها رقاد.. امس وانا راقده ف حزة العصر ما ادري المغرب<<مصطله البنت ما تعرف اي حزة..خخخ المهم يوو خواتي لبيتنا ومنهم امو عذوب ويتووم اللي هي دوم تتغايض مني يوم تشوفني راقده..ف يوم شافتني امس قالت: كل ما ايي بيتهم القى هالبنت راقده وجان تسحب لحافي واتقولي يالله قومي بسج رقاد قومي صلي..وانا ارد عليها خليني ابا ارقد والله مصليه..وبعدين انا وحده عزوبيه وهذي حياتي كله رقاد ف راقد شو اسوي ههههههههههههههه..وبعدين كلهم ضحكوو..المهم بعدها قمت واذن العشااا رحت اجيك اذا كان عندي هووم وورك ..وطلع ماشي..ورحت اتحوط ف البيت من الملل والله ..والبيت من غير باباتي فديته مب شي لانه مرقد ف المستشفى..وبعدها ياا عزوز وزقرني وقال لي تعالي ابيج..ورحت لملحقهم كان يباني ازهب ثيابه لان وراااه سفره<< هذا بعد وين يبه توه طالع من المستشفى شو يبا ف السفر..المهم رتبت وخلصت وطلعت ورحت اتصل لبنت العم << فديتها وتمينا انسوولف لين طفر ريلها وقال لها تعالي بسج قرقره..المهم بعد ما سكرت رحت اررررقد <<رجعنا للرقااد وماااا اروعه..

.
.
.

وبس هاا اللي عندي << صج طفشاااانه..خخخ

.
.
.


باااااايووو

يوم الثلاثاء
.
.
.
Like any days it was okay
.
.
.
But, the special things about this day is that one of my best friends came to my house .
.
.
قبل لا اسولف عن القلب خلوني اقول كيف كان يومي ف الكليه..احم احم ..كالمعتاد كلاس ورى كلاس فوقه دبل بريك او تريبل واحيانا ون بيرييد..المهم ف كلاس من الكلاسات وبالذات اول كلاساتي كلاس Arab 100>> بعد التبديل مع كلاس الانجليش لان جايسون رايح رحله مع سيكشن ثاني<< مب مهم خخخخ..وطبعاااا هالكلاس كلاسي المفضل فور شووور بعد استاذي المفضل وذلك لان السير جمال مافي افطن عنه<<تقصد العكس..استغفر الله اقصد ساذج يمكن لانه كبير بالسن ف عشان جي ما يدري بالدنيا يحليله والله يذكره بالخير خخخ ..السالفه وبما فيها ان البنات دووووووم ف كلاسه ياخذون الساعه الملعقه ف الكلاس ويجدمون الساعه يمكن ربع ساعه او ثلث ساعه هههههههههههههههههه واستاذنا المسكين زي الاطرش ف الزفه ما يعرف بمكر البنات وخاصة بنات هالزمن ..لان المسكين يقول انه يحبنا و ان نحن كلاسه المفضل << اصلاا اغلب كلاساته دق سوالف وف النهايه يعطينا الهووم وورك ويالله مع السلامه يا حلوين خخخخ..ومثل كل مره نطلع ونحن منتصرين من كلاسه قبل لا يخلص بربع ساعه او ثلث << هو اونه عاد ما يطلعنا الا قبل لا ينتهي الكلاس بخمس دقايق ههههههههههههه<< الله يشفيه شيبتنا..
.
.
.
Then we take a double break and it was very very very nice
لان نحن الحلوين كنا نتابع فلم هندي<< شو نسوي ملينا من البريكات ف نقضي وقتنا ف الافلام الهنديه حشى مب افلام تراهم مصخروناا بخرطاتهم مره يضحكونا ومره يصيحونا ومره يرقصونا ههههههه وكالمعتاد ف النهايه طاخ وطيخ وطبااااش وبوووووووم << اصوات ضربات الهنود يوم يضاربون يعني بكوس ولا طلقات ناريه و احيانا انفجارت خريطه ههههههههههههه ونتيجه هالاصوات اقصد الضرابة يموت الحرامي او احيانا وللاسف يموت البطل نصيح نحن ويا البطله من الحزن ومرااات يعيش البطل باعجوبه سبحان الله ههههههههههه حشى ماصر بطل الا الخارق..ههههههههههههههههههههههه وهم بعد انصيح ويا البطله لكن هذا يسمونه دموع فرح << وهذا اكبر دليل ان نحن مصخره..خخخخخ..
.
.
.
After that we had triple classes with the most boring teacher in the college اللي مثل ما يسمونها مس مارتا..ونحن ندلعها مارتوووو خخخ هاي الشي الحلوو فيها انها يوم اشرد من كلاساتها وهي ولا ع البال ولا تدري عني فديتها والله وان شاء الله دوووووووووم مب يوم..خخخخ
.
.
.
Finally,there is no class which is mean that we had another break in the last period and after that we said good buy to the HCT and back to our houses .
.
.
بعد ما وصلت البيت صليت فروضي ومن بعدها رقدت يمكن لمدة ساعه او اقل يعني مب مثل العاده لاني كنت مواعده اقصد اتريا ربيعتي فديتها << مب شايفتنها يمكن اكثر من خمس شهور ومشتااااقه لها حيييييييل..المهم يت بيتنا ع المغرب تمينا انسولف ونطلع كل اللي ف خاطرنا مال خمس شهور خخخ..اوووه نسيت اقولكم ان اخوي حمودي بنفس الليله كان مشرد سيلانيه ويابها لبيتنا وكان هالشي مفاجأ بالنسبه لنا بس كانت احلى مفاجأه لان السيلانيه الحلوه كانت يتيمة زايد ههههههههههههههههههه اللي متصله حق حمودي وشارده من بيتهم من ورى اهلها وخواتها وبالذات عذووب اذا درت بتفول هههههههههههههههههه وبتتحول ديناصوور لا ارادبا بتطلع نار من حلجها << يا ويلي منها ههههههههههههههههههه لازم تراها طالعه على ولد عمتها اقصد عمتي خخخ....المهم يت هاي الحلوه بعد وشاركتنا السوالف بس يتوم ما طولت عندنا وراحت لبيتهم ويا اختي .. بعدها رحنا قعدنا عند ابويه ومرت ساعه ولا ساعتين تقريبا راحت ربيعتي بعد ما اتعشينا طبعا..وعم الهدوء مره اخرى<< خليج ع العامي احسن لج خخخخ..وطبعا بهاليوم شنطتي ما فتحتها..لان الوقت كان ومتأخر وانا ما كنت متفيجه ف رحت قريت على بابا وبعدين رحت انخمد..وياليتني ما انخمدت..>_<
.
.
.That’s all for today
.
.
.
See you next time

صباااااااااحكم عسل يا عسل..بل بل بل.من اسبوووع مب كاتبه يومياتي..<<الحبيبة ناسية ان عندها يوميات ف المنتدى خخخخ....خخخخخ اليوم الخميس واحلى خميس لان مأجزين* ياااااااااااي كششششششششششخه..يعني ارقدي يا قمورة رقاااااد ما حصلش << هذا كان تخطيط قمورة البارحه لكن وين ترقد الحلوة ناشة من الساعة 8:35 < ما تنلااام مسكينه متعوده اتنش من الساعه 6 يوميا ف ايام الدوامات..<<صج ويه فقر خخخخ..اففففف ملل ما اعرف شو اسوي..فديت الكلية والله<< ياختي ما عرفنالج يوم اتداومين تيلسين ادعين ع الكليه وبو اللي ياااب الكليه خخخ<< يلعن ابو الملل شو يسوي ف الواحد >_< ( هذا ويهي يوم امل ) ههههههههههه...لما شفت الساعه الحين 8:35 رحت خذتلي دورة ف البيت لمدة ربع ساعه شفت محد واعي وانا مثل الساحرات يالسه احظر ارواااح من صبااااح الله خييير..قلت خلني ارد ارقد لعل و عسى حد ينش بعد ساعه ولا نص ساعه..رحت وحطيت راسي وفعلااا رقدت لكن لمدة نص ساعه بس << وايد عليج ..نشيت من صوت اختي وكان ساعه 9:25..قلت هاااي شو يابها لبيتنا الحين وش تبا << لا اطرديها بعد خخخخ فديتها والله..ياايه تضرب ابرة بابا فديته ,,ف رحت اغسل ويهي بسرررعه وقعدت ويا اختي <<جنها بتطير هههههههه وتمينا يالسين بس كان وضعنا ع الصامت خخخخ<< ف دشيت الاوضاع وشغلت وضع العام* >> يعني فتحت* موضوع نتكلم فيه ..ما مرت ساعه الا ويتلنا ضيفه محبوبه وعزيزه ع الكل ما شاء الله عليها الكل يموووت فيها ويلقبونا اقصد يدلعونها آنت فلاور(خالة عيال عمي خخخ وهم يلقبونا آنت فلاور) يا كرهي لها ههههههههههههههههههه<<توج اتقولين عزيزه ع الكل >>لا بابا اقصد العكس..وجاااااان اطلع من الغرفة اللي هم فيها رحت اخذلي حواطه ف الحوووش ورحت بعد فوق السطح اتذكر سوالف السيلانيات الاربع (السيلانيات الاربع: دكتور ايفل وعذوووب وقموووورة ويتوووووم) يوم انراقب حالة الطقس عندنا خخخ اقصد انشغل دوربيناتنا هههههههههههههههههههههه واتذكر المسرحيات اللي كنا انسويها فووق وعرووض الازيا ء لكل الجنسيات واكثر شي الهنووووود (المدربات:دكتور ايفل وعذوووب ..والعارضات:قمووورة ويتووووم) هههههههههههههههههااااااااي صج متفيجاات وبعد اتذكرت يوم كنا نقعد بالليل وانولع الشموووع ونطلب من الكافتيريا<<(هذي هي حياة العزوووبية..خخخخ) وانسووووووولف عن بو حرفين ( تقصد الجن بس اتخاف تنطقهااا) ههههههههههههه..بعدين خرب علي واحد من اخواني (عمر) شوو موعنه الحين هذا..ههههههههههه مسكييين متعود ينش مبجر توه مخلص من الدورة ف الاكادمية الشرطه..ف يوم رحت عنده قلتله : عمر بلاااك ناااش من وقت ..قال لي انتي شو تستهبلين شوفي ساعة كم ..تعرفين هالوقت بالنسبة لي متأخر انا متعود انش ف الدورة من الفير هههههههههههههه..وجاااان انقع عليه من الضحك..واقووول مستحيل هذا هو نفسه عمر اخوووي اللي اذا رقد ما يعرف ينش والله اذكر مرة رقد يوم ونص <<طبعااا لما كان بطالي..المهم* طلبوني تحت يبوني كالعااااده جنه ما في حد ف البيت غيري انا عيل يوم بعرس وبودرهم او بموت من بيخدمهم..فديتني محد يقدر يستغنى عني ف البيت من اكبرهم لأصغرهم جني الا امهم خخخ* <<اللي يباني اختارله بدله يلبسها للديت ماله واللي يباني ابخره واللي يباني اشووووف اللوك ماله اذا كان شي ولا لا (مشكله يوم اتعيشين بين الاولادخخخ) بس مع ذلك فديتهم اخواني كلهم ..خخخخ...جني الا احس باليوع..خلني اروح ادورلي على شي آكله..من متى انتي تتريقين اصلااا خخخخ..الا قولي بروح اشربلي شاي ولا اي شي حااار..وبطلب من الدكاااااان<< هذا ريوقي..يالله يالحلوين اخليكم الحين..برووووح اشوووف الواااالد.....وسي يوو نكست تايم *_^

يوم الاحد

كان يوم عادي

رديت البيت الساعه 5

وكانو خواتي كلهم اهناك ..الله كشخه احب يمعتهم..

المهم رحت بدلت بسرعه ورديت لهم..بس قبل لا اروح لهم رحت عند بنت اخوووي فديتها دانه >>كالعاده الآنسة راقده..وف سابع نومه..ف عطيتها بوسه ورحت قعدت ويا امها وتمينا انسووولف وانسولف وانسولف وانحش ف ريلها اللي هو عزوز فديته ..امس حالته ابد ما تسر..ربيعه اتوفى..والبارحه بالليل سافر هو وربعه لعمان لان الولد مسوي حادث اهناك..وما ادري عاد اذا بييبونه اهني ولا بيدفنونه اهناك..الله يصبر اهله وربعه..ويصبر عزوز بعد لان هذا ثاني واحد من ربعه يتوفى ووايد تأثر امس يوم وصل له الخبر..وان شاء الله اليوم بيرجع لنا بالسلامه..

المهم بعدين يونا قوم عمتي ومرت عمي وآنت فلاور ههههههه وبنات عمي بعد وتمووو شوي وبعدين الكل راح لبيته وتمينا انا ومرت اخوي ودانووو عند ابوووي لين رقد..وبعدين رحنا لغرفتي وكتبت انا واجباتي ومرت اخوي يالسه اترقد دانوو الاميره النائمه<< هاي دومها راقده >> طالعه على عمتها..<< واذا نشت ساكته واتم تتطالع فينا..واذا حاولنا انضحكها ما تتحرك ولا شي وتتطالعنا بنظره اتقول فيها هاييل وش يبون ههههههههههه..

المهم بعدين طلبت من مرت اخووي انها اتبات عندي لانها بتكون بروحها اهناك واهني ع الاقل بمسك البنت وياها..وفعلا
باتت عندي وانا اللي كنت شبه صاحيه البارحه لين اليوم الصبح الساعه 6 .. انا يوم واحد تعبت وصدعت عيل امها اشلوون المسكينه.. ما حست بطعم الرقاد والسبه هالدانه >>حياتي والله هههههههههههه ..

والحين ميييته وابا ارد البيت عشانها ..*_^

وبس