الموضوع: يوميات لولي :)

لي اسبوع وانا حالتي حالة


ضغوطات لا تحتمل

ضغوط في الحياة الاجتماعية
ضغوط في الحياة العملية


والنتيجة
كيلوين من وزني راحت مدري كيف

قبل امس قست وزني
وياللمفاجأة كيلوين نزلوا باسبوع واحد


وش نسوي هذي الدنيا


الاسبوع الجاي اجازة للطلاب والطالبات ومن يعمل من اجل خدمتهم
وانا بحكم اني لا اعتبر طالبة يعني مافيش اجازة

كذا الواحد يحس بعدم الاستقرار
تحسين لا انت طالبة رسمية
ولا موظفة رسمية

يعني بين البينين


امس كنت بدخل نفسي بمشكلة
بس الحمدلله اني فكرت بالموضوع بعقل وابتعدت عن العاطفة
وانقذت نفسي عن الدخول بمشاكل لا تنتهي

اليوم حلو
شخص
مدحني وانا الحين مبسوطة من الكلام الي سمعته



والحين انا امر باعراض ماقبل الانفلونزا
الله يستر بس

عزوز
طفل صغير
في الثالة او الرابعة من عمره


براءة الأطفال كلها فيه

كم احببته من اول يوم شفته


تدرون وين شفته


بالمستشفى

بالتحديد في غرفة العناية المركزة الخاصة لعمليات القلب

ذلك الطفل الصغير
ابتسامته لا تفارق وجهه بالرغم من مرضه كل مامريت من عنده اشر لي بيده ويقولي باي

اهـ كم تعذبني هالابتسامة من ذلك الطفل

حبيته مرة
مع اني مااعرفه ابد

بعد ايام لقيتهم نقلوه من العناية المركزة لغرفة عادية
يااااااااااه
يوم شفته انبسطت
قلت الحمدلله بماانهم نقلوه يعني حالته استقرت

بس من جد هالطفل براءة الاطفال كلها جمعوها وحطوها فيه
ويسلم عالرايح والجاي
ودايما مبتسم
على الرغم من مرضه وصغر سنه

الله يشفيه ويخليه لاهله
ويرجعه لبيته سالم يااااااارب

ادعوا له ياكل من تقرؤون يومياتي


وسلامتكم

بعض الاحيان تسلك طريق ماتدري وش نهايته
وماتدري وين بيوديك
وماتدري متى ينتهي

تتعرف على أشخاص
وماتعرف وش نهاية هالمعرفة
بتستمر ولا لها حد وتنقطع

افكار كثيرة تراودني

ولا اعرف مانهاية هالافكار

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

ياليتني طفل صغير ... أكبر همومي لعبتي .... ابكي عشان العصير .... والكيك يرجع ضحكتي


مااصعبها من حياة

كل ماكبر الواحد كل ماصعبت عليه الحياة

كح كح كح

<<<< تكح من الغبار الي بيومياتها

ياربي من زماااااان ماكتبت شي


طيب خلينا نسوي ريفريش لمخي ونسترجع بعض الأحداث الماضية


امممممممممممممممممممممممممممم

<<<< تفكر وش تكتب


قبل فترة كنت بالكافتريا اتغدى انا ووحدة من صاحباتي
المهم اكلنا اكلنا وسولفنا وسولفنا
وبالاخير قمنا وكل وحده شالت صينيتها
وانا ماشية مدري كيف طاح الصحن مني وتكسر
انا وصديقتي قعدنا نضحك
ووديت الصحن المكسور لمكان مايحطون الصحون الوسخة
الفلبيني الي يشتغل هناك قال ااووووبس ليه كسرتي الصحن

<<<< تحسون ماعندها سالفة


طيب

الاسبوع الي فات يوم الاحد
كنت بالسيارة راجعة للبيت وبأمان الله
مادريت الا طرااااااااااااااخ
سوينا حادث في سيارة صدمتنا
انا بلحظتها مت خوف وقلت للسواق امشي لا توقف <<<< خوافة
فقال ايش نمشي الكفر بنشر
وانا على اعصابي
وبالاخير ياحليلهم الشباب راعين فزعات
تجمعوا على سيارتنا وقعدوا يصلحون كفرنا
ويقولون لي ياخالة <<< وانا خايفة واقول كيفهم خليهم يقولون خالة
وكنت حريصة على اني ماانزل من السيارة لاني مجرد اني انزل بيكتشفون اني بزر مو خالة زي ماهم فاهمين



طيب
الاسبوع الي فات برضو
حسيت اني شخصية مهمة
تدرون ليه؟؟
جتني 3 باقات ورد
وكل باقة لها معنى غير عن الثانية
وربي انبسطت منهم مع ان في وحدة منهم احس اني مااستاهلها
احس انها كثيرة علي والانسانة الي عطتني اياها وربي مااستاهل منها شي لا باقة ولا شي
بس مشكلة اذا في ناس يحبونك وانت ماتبلعينهم <<<< هذي بالضبط علاقتي مع هالبنت انا ماحبها ابد وماابلعها وهي تحبني بس مدري ليه
وربي اني كثير احاول اخليها تكرهني بس مافي فايدة ؟
تقولون ان فيني سحر مخليها تحبني

امممممممممممممممممم

وش بعد خلوني اتذكر مواقف صارت لي

ولا اقول خلاص مو لازم
<<<< تحسون ماعندها سالفة

اي تذكرت شي


قبل اسبوعين او 3 مدري متى بالضبط نسيت

المهم

رحت معرض الكتاب

وصادف يومها ان د.طارق السويدان بيجي

يااااااااااااااااااااي

وش كثر فرحت يومتها

وقعدت اترقب قدومه

يوم جا لو تشوفون الزحمة الي عنده الناس يتضاربون من الزحمة

المهم بالاخير قدرت اوصله وخليته يوقع لي على كتابين شريتهم من تقديم د.طارق


وبس

ابتسم .. ابتسم

ابتسم اضحك وخلي الهم يتكدر
وارسم على خدك ورود لا تقول ماقدر

علامك سارح وزعلان
وقلبك ممتلي احزان

وشايل همك بروحك
يغطي صوتك الحرمان
ابتسم افرح وحاول تنسى الامك
انسى قسى كل الظروف حقق امالك

تناسى كل مافاتك
ورد البسمة لشفاتك

ابيك ترجع مثل اول
وتملي الدنيا ضحكاتك

ابتسم اقهر ظروفك والكدر والهم
كلنا معاك قلب وروح معاك نحلم

تعودنا على شوفك تشيل الحب بكفوفك
توزعها على الدنيا وثوب الفرحة هو ثوبك

ابتسم اضحك وخلي الهم يتكدر
وارسم على خدك ورود لاتقول مااقدر

.....................................

احيانا الواحد يقلب صفحات الماضي
وغصب تدمع عيونه

وده يمحي ذكريات من ذاكرته

ذكريات حلوة لكن بنفس الوقت مؤلمة

......................

لنا كم يوم واحنا مشغولين وحايسين

نترقب حدث مهم

حدث اول مرة يصير ببيتنا

والحين

بدأ العد التنازلي


ومازلت غير مصدقة ومو مستوعبة

يااااااااااااارب توفيقك