بلاه لـد النـظــر لي وامـسـح العـبره
في ذمتي والله إن كنها على خدودي
..........................................
أن كنت شايف من المحبوب ماتـكره
أنا حـبـيبـي جـحد جـودي ومجـهودي
...........................................
الـيـا بـديـت العـدامه حـزه الصـفـره
كني ورى السجن والسجان بقيودي
...........................................
من دون ظبي الفلا سلوى وبوسمره
وأنـا من العسكريه تـعـرف حـدودي
...........................................
مانعصي الضابط المنجوم تحت امره
ماباقـي إلا نـصـيـر الحـوج وزيـودي
...........................................
عصفور فاليد ولا عشره على الشجره
ماشطـه إلا بـعـدها سهـودي ومهـودي
وسلامتكم,,,,,
الـعــمــده
غاوي
صح لسانك
وجهك ابيض والقصيده اكثر من رائعه
وصدقني انا خلاص غيرت اسمك من غاوي مشاكل الى غاوي حزن
وانا جيتك اشتكي لك لقيتك تشتكي الالم والاسى
اللي عجبني فالقصيده انها تلامس كل المشاعر واللي عجبني فيها اكثر الرمزيه من النوع المتبلور
خلف طيات نغماتها الحزينه واللتي لايقدر احد على فك شفراتها الا من هو مطلع على بعض الامور اللتي لاتخفاك
عزيزي غاوي انت استاذي واستاذ المشاعر المتدفقه بغزاره والمنسابه تحت رموز الشعر الراقي
غاوي الشئ الاهم في هالقصيده انها على نفس البحر اللي دائماً يرحل بي الى عالم الخيال وانا على فكره اتعذب لما اقرأء اي قصيده على هذا البحر
استاذي غاوي اوفيت وكفو يالقرم
والله لايحرمنا من تدفق مشاعرك
ربي يخليك
استاذي غاوي انا كلي شرف بخطف هالنائفه من بين احداب ضلوعك واللتي اخفيتها علينا زمناً طويلاً
ولكن بكل فخر انا سرقتها منك بعلمك وتحت وطئه مشاعرك
اشكرك على ادائك المتميز
