((عمه خلي شوشو تمرح عندي))

مكحولة العين · 16-03-2007

مراااحب..

هذا اول موضوع متواضعن بالحيل مرررره اضعه واحطه بين اياديكم واصابعكم
وتره قسم بالله من عرق جبيني (لاتخلوني اصيح)

اترككم معه انشالله يعجبكم (يارب)

يوم اني اقول((عمه خلي شوشو تمرح عندي))

السالفه تقول:

في يوم من ايام عمري السعيد كنا معزومين عند جدتي وضحى يوم كانت متوفيه..! :be:

لبسنا وكشخنا لان ((امي نوير)) الي هي جدتي(تشابكت الخطوط) قالت ان فيه اجناب بيجون ورحنا والا
ادخل بيت جدتي ماني مصدقه عنوووني شوشو!!!!!!!!!!!!!!

انتي هنا يالدبه يالشينة ما احبك ليش ماقلتي بتجين ((لا تطيرون عيونكم صحيح بنت عمتي بس كانت بتبوك))يعني ما اشوفها الا بالسنه مرة ..

عاد تعال شوف انواع المناحات وانواااع المعاناة لاجراء ترتيبات للقاء السعيد هذا
مرت الثواني
ووراها الدقائق
ثمن جاات بعدهم الساعات وهي مسرعه مرررره وكان بيصيدها الرادار وياخذونها بالاتوبيس حق التماسيح والجراد لولا حفظ الله ورعايته:cs:

ولا تخيلوا عاد ان الساعات ماجات،، وش بنسوي انا وشوشو وحنا مابعد حشينا خلق الله كلهم((يعني باقي سواليف واجد)) ونحتاج الساعات ضروري<<<< من كثر القرقره والله

قلت شوشو قالت لبيه ( لبى قلبها شويخان احوووبها مدري ليه الشينه .. بس عساها تقرا موضوعي )قلت ورى ماتمرحين عندي ونكمل حشنا وسعة صدرنا لين مانوصل لسعة اربعة آلاف متر مكعب سنوياً:bv:

قالت قدااام بس عمتك ترضى؟؟

قلت نرضيها مالك هم..

واروح بثقه لعمتي واقول((عمه خلي شوشو تمرح عندي)) <<<<<< عنواااني خخخخخخخ:cq:

جت الصاعقه (وااااااااااااو) عمتي قالت : خليها تمرح

انا،، لالا..
مستحيل!! افرك عيوني لالا جد عمتي وافقت والمعروف انه اذا بغيت شوشو تمرح عندي يعني بالقليل بالقليل نص ساعة مناقشات عشان ترضى..

قلت اية بس رحمتنا وقالت خل يوسعون صدورهم

المراد ان شوشو جت معي للبيت وجلسنا جلسة (جلسة ولا نسخه اصليه هع هع هع) عشان نناقش مشروع السهره يعني بالعربي ((وش نهبب)) وش نسوي من بلاوي(لاحد يروح تفكيره بعيد .. اشوف عقولكم ياتماسيح الغفله .. يله كل واحد يحط عينه بورقته وماابي اسمع ولا نفس<<< طمرت خارج سياج الموضوع خخخخخخخخخخ

وطلعنا بالتالي:

1) نستخدم الجوال (حق شوشو موب انا) للاستهبال على اخوي المحترم

2)نستخدم الجوال(حقي موب شوشو) للاستهبال على اخو شوشو المحترم

3)نحن على راس اخوي (نحن بمعنى قرقرقرقرقرقرقر لين نلقى اللي نبيه خخخخ) ونخليه يودينا نفطر بالثمامة ((لان الجو وقتها هبال)) <<<<< لو انه عج وغبار ماراح تفكرين الا بطعوس الثمامه..

4)نحاول كذا والا كذا نمر على ((الروايا)) تروح معنا ((الروايا))وحدة من الشباب
هههههههههههههه حلوة وحدة من الشباب اقصد من الشابات

5) على الساعة 11 بالكثير ندحدر للبيت لايكعفشنا ابوي الموقر ونروح ضحايا نزوات الشابات المضطدهات ببيوتهم :cr:

6) نلصق ورقة على باب عرفتي ((يعني غرفتي)) نقول فيها((مراحب يا امي العزيزة مانمنا بدري لذلك ياحبذا تخلينا نرقد وانا برقد الى ماا شاء الله (هذا ان ماكسرتي الباب يمه ورفستيه برجلتسسس اليمين)
^
^
^
طالعه على امي فديتها رووحها اموووووووووووووووووآآآآآآآآآآآآآآآآه على راسك يمه

7) لا كذا خلاص ..

المهم بدينا بتنفيذ المخطط رقم واحد الي هو نستهبل على اخوي وبالفعل بدينا بس اخوي ذيب ((طالع لي)) عرف صوت بنت عمته وكفشنا قمنا الغين هذا المخطط الفاشل .. ولا كنا ناوين نسجل المكالمه وننشرها بلوووتوووث لان بنت مغيره صوتها <<<<< واخووتس مافكرتي فيه هههههههههه

انتقلنا للمخطط رقم 2 والي هو اني استهبل على اخو شوشو ((الدرو)) يعني ((الابله)) ما جاب خبري لين طقت كبدي منه وقلت اقلب وجهك انا ((مكحولة))بنت خالك ولم يتكلل هذا المخطط بالنجاح وذلك بسبب دلاخه وحمووريه خالد اخو شويخان

وانتقلنا للمخطط رقم 3 رحنا عند اخوي وجلست اتسحبل واتمقق عنده لين سالني( وش عندتس؟؟) قلت الجو اليوم حلو وانا من زماان ماشفت شوشو.. ماودك تروح تفطرنا بالثمامة..

اخوي: وشو وش قلتي؟؟

انا: قلت اذا ماعليك كلافه تروح تفطرنا بالثمامة..

اخوي: اقول اطلعي وصكي الباب الله يسلمك ..

انا: افا ليش؟

اخوي :لانكم منتب صاحيات يلا بس اطلعي وصكي الباب..

انا: تكفى طلبتك ..

اخوي: خلوني افكر نص ساعة ومروا علي..

انا: انشالله بس فكر زين((فكر زين وينا فية..))

ما صدقنا خلصت النص الا انا وشوشو ناطين بوجه اخوي هاه بشر؟؟؟؟؟؟ خلاص بوديكم بس بشرط

انا وشوشو بوقت واحد: امر بس وش بغيت؟؟

اخوي: نرجع هنا 10 والساعة كانت تقريباً 4 الفجر قلنا صاااااااار يلا بس ..

طيب مايصير نمر ((االروايا)) قال براحتكم نمرها نمرها قلنا هلا هلا..

دقيت على الروايا ولا ترد قلت اكيد نايمة يلا بس موب لازم بكيفها ورحنا للثمامة..

وماقصر ابو خالد فر بنا الثمامة كلها ووسع صدورنا وما جت 10 الا وحنا بالبيت جينا على اساس ندخل البيت الا ابوي مقابلنا بيروح يفطر عند امة الي هي جدتي..

احم احم ..

ابوي: هاه وينكم جاين منه ..

انا: اه اه ياسني..

اخوي : هاه شوفت عينك رحت اودي ((مكحولة)) للمستشفى صال عليها سنها..

ابوي: وانتي ((يقصد شوشو)) قالت مرافق,,

قال ابوي ووش سوو لها..

اخوي: لالا ابشرك عالجوه خلاص ((وباين النصب انا اقول اه ياسني وهذا يقول خلاص عالجوه))

قال ابوي: الحين عالجوة والبنت تقول اه ياسني؟؟؟؟

قلت انا لا يهمك يبه انا الي دخلت للطبيب موب هو عطاني مسكن وقال اذا خف الالتهاب تعالي ..

قال ابوي : ايه قولي كذا..

عدينا بسلاااااااااام.

واووووووووووووووووووه يوم دخلت غرفتي حسيت بالامان صدق فلتنا من ابوي!!!!!

طبعا الغي مشروع الورقه الي على الباب لان ابوي شافنا مايحتاج نقول لهم..

نمنا وقمنا وراحت شوشو بيتهم ..

وامتحن ابوي مندوب مندوبي على السن متى موعدك ماخف الالتهاب ؟؟

كنه نساه هاليومين..

كان يوم ماحصلش من مغامرات وفلة ..

واخيراً وليس اخراً (( الله يوسع صدورنا وصدوركم بالعافية.))

حركاااات جدتي بس جت بمكانها...

انقل لكم تحيات شوشو وتحياتي انا مكحوله

سي يو

**حبة تووت** · 16-03-2007

هههههههههههههههههههه

الله يرجك يـ مكحوله موضوع مفعم برائحه الفله والدجه

واما شوشو هذي شي ثاني امانه تسلميلي عليها

تحياتي لك

**سلمى** · 16-03-2007

حركااااااااااااات هههههههههههههههههه ..
مخ فظيع .. يا جعله يستخدم بخدمة الدين ..

اجل حتى مكحولة العين اللي يوديها اخوها .. ماشاء الله

عقبال ما يفتحون خط لسواقة الحريم ..

علشان ما تتعبين في كتابة القصه .. :ca:

سلمي لي على شوشو .. والروايا... بس ماعرفت الروايا هذي كيف سميتوها بذا الاسم؟!..

طير الشووق · 16-03-2007

ههههههههههههههههه ..

والله المهستـرات ..بس العنوان صراحـه شي ..والقصـه حلوه ومفعمـه على قوله حبه ..بالضحك ..
والمزح وخفه دمـ ..//

الله يعطيك العافيــه ..,

طير الشووق

قلم ناشف · 17-03-2007

ياسلااااااااااااااااااااااااااااااااااااااااا اااام .. منتحله الشخصية قامت تنزل مواضيع بعد

لاااا .. ناويه تستمر شكلها خخخخخخخخخخخخخخخخخخخخخخخخخخخخ

اقتباس


	وتره قسم بالله من عرق جبيني

الا كني به من عرق ابااطتسسسس:cd:

اقتباس


	لبسنا وكشخنا لان ((امي نوير)) الي هي جدتي(تشابكت الخطوط)

لحظه لحظه .. وينتسسسس طايره ياماال الطااير اللي يطير راس العدو
الحين مين امتسسس ومين نوير ومين جدتسس:ai:
شغل تشبيك الخطوط ذا داابلن كبوودنا بالجوال .. تجين انتي وخشتسسس وتلحسين مخوخنا هنا
حددي موقفك من القضية ولا ترا بالشلوووووووووووووووت وانتي واقفه على السلم الكهربائي

اقتباس


	قالت ان فيه اجناب بيجون

هههههههههههههههههههههه اجناب
شغل بديووووو

اقتباس


	((لا تطيرون عيونكم صحيح بنت عمتي بس كانت بتبوك))

مااحد طير عينه .. شفيك انتي ..
هاااذي والله المتسببه واللي تدور الهواش مع خلق الله ..
وحده جايه من تبوك وانتي اكيد ساكنه بفيفا .. يعني من اقصى الشمال إلى اقصى الجنوب
اكيد بتطيرين بعجة ابو مندوبها يالمشفوحة .. وبتخلينها تكره فيفا وجنوب المملكة كله يالجيزانيه
خخخخخخخخخخخخخخخخخخخخخخخخخخخخخخخخخ

تصدقين عاد .. انا مثلك

بنت عمتي مهيب بتبوك .. ساكنين بالخفجي والمسألة كلها ماتتعدى الاختلاف في وجهات العمات

اقتباس


	يعني ما اشوفها الا بالسنه مرة

من حظها والله هههههههههههههههههههههههههههه
الظاهر لو تشوفك بالسنة اكثر من مره بيجيها تلبك معوي حاد:ae:

اقتباس


	مرت الثواني ووراها الدقائق ثمن جاات بعدهم الساعات وهي مسرعه مرررره وكان بيصيدها الرادار وياخذونها بالاتوبيس حق التماسيح والجراد لولا حفظ الله ورعايته

ماااقدر اقول الا ..
كني واقف قدام المرايه:ai:

اقتباس


	ولا تخيلوا عاد ان الساعات ماجات،، وش بنسوي انا وشوشو وحنا مابعد حشينا خلق الله كلهم

ما شاء الله ت