|
من مقالاتي :
0 فديو لحظة وصول البرنس لأرض المطار ودخوله الصاله حصريـــــاً
0 مكتبة صور للبرنس هشام لايفوتكم
|
لغير الناطقين بلغة اهل الرياض وضواحيها
[ALIGN=CENTER]لغير الناطقين بلغة اهل الرياض وضواحيها
سلاااام
عارف ان فيه مشاركات كثيره عن كلام اهل الرياض
وبما اني من الرياض اباً عن جد حبيت اطرح بين اصابعكم هذه الكلامات عن كلامنا واللي احس انها تقريباً شامله اغلب كلاماتنا .
طبعاً هي جتني على الايميل وقعدت اظبط فيها وشي .
اترككم مع حتسينا
تسذا .. المعنى واضح يعني كذا ولازم تقولها وانت ماد براطمك لتحت
فيذا ..يعني فيذا . هنا . " حط العشا فيذا " يعني هنا
مير ..هذي مالها معنا بس اذا سمعته احد قالها اعرف انه من اهل الرياض الاصليين
غديه او غديها .. يعني كوده او كودها ... (( يعني بيفهمون الثانيه )) ,,,,,,,,, مثل ما يقول الابو لولده التسبر " رح ادرس كود اخوانك يغارون منك ويذاكرون " او رح ادرس غديك تنجح باتسر وتطلع دختور ...
صزز .. يعني صدق والا صززيه يعني صدقيه
زلابه .. يعني بطه مالها معنى ثاني
دبووووج .. هذي شينه يعين اذا واحد قالها لك تراه يسبك اقرب شئ له كمخه
دلخ ..انظر اعلاه
ء ء ..وتطلع من الحلق مثل اذا جيتا لبزر وقلت له عطني الكوره بيقول لك " ءء " وبيرفع خشته فوووووق وهو يقولها ...معناها منيب او لا
هزع .. يعني طمن او انزل شوي ,,, اللي تبي
منهو .. افصلها لكلمتين وتعرف معناها
اشبك البلا فشكلك ..مهيب تبعنا هذي حقت السمره والغريب اهل الحجاز
مهوب او مهيب..بالعربي ( ليس ) مثل " هذا التفتر مهوب لتس يانوير هذا التفتر لاختس دليّل "
هقوتي .. يعني ( اظن ) مثل " هقوتي انه فيذا
توحي ..معناها تسمع ,,, اذا جيته تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه عشان يسمعك ) وبيقول لك من انت ولده ... الخ "
تباوووهذا اذا كنتم بتلعبون كوره (( ولازم تكون كورة صب )) لازم يروح كل اثنين يتباوون , ويقول الاول انا بردقانه والثاني تفاحه ويرجعون ويقولون يابردقانه ياتفاحه (( والله لو يستخدمونها في كاس العالم اصرف من هالقرعه ))
كتر ..ويقول الوا! حد لاخوه وهم يتغدون من صحن واحد " لا تاكل من كتري يعني لا تاكل من نفس المكان اللي اكل منه "
جغمه .. يعني جغمه !! مثال : صديقك راح الدكان وشرا ببسي واحد وقعد يشربه لحاله وانت عيونك شوي وتناتق تقوله ياااخي عطني جغمه ( اعتقد فهمتوها )
بصرك ..يعني بكيفك .... تقول لواحد تعال معنا ... ويقول لك لا منيب جاي ,, ترد عليه "بصرك
بعدي .. يعني مثلا يقول الابو لولده ,,, بعدي ابوي . بس مدري وشلون تنشرح المهم معناه زين مهوب شين
امصع ..يعني اسحب بقووووووه مثل الام اذا قالت لولدها تراني بمصع اذنك لو ما درست
امحق ..هذي والله نشبه ما ادري وشلون اشرحها لكن ابحاول اعطيكم مثل اللي بيفهم زين واللي مهوب فاهم احسن يعني حبكت الا يفهم هذي . المثل : الابو يقول لولده ترااا باتسر ابيك توديني لزواج قصرانا يرد والد ويقول والله اسمحلي انا مواعد ربعي في الاستراحه عاد الابو يقول امحق من ولد عاد يرد الولد اقول خلاص نيتل
يدربي ..يعني يدحرج .. مثل المسترخي يدربي راسه
دنينه ..سياراتنا من اول (( ااااان اااااااان )) ترا الاصوات لازم اللاعب هو اللي يطلعها (( حلوه اللاعب ,, اقصد المبزره اللي يلعبونها من اول ))
دبق .. اسألوا البنات القديمات في الاقلاع (المرجوجه , النظرة الخجوله وميداء ) يعلمونكم اللعبه وطريقتها ..... كل ما ضاع زرار والا صاموله والا اي شي من القطع الصغينونه ,, دوره عند البنات ,, يجمعونه ويلعبون بها دبق
كنادر .. تكرمون جزمه
زبيريه ..اقص يدي كان بريفيسور خعاخع والماس ورحال واهداب والمسترخي وانا معهم اذا ما كانوا يقدرونها وهي نوع من النعال تكرمون وهو احسن مبيد للصوارير والضواطير ! والحشرات الزاحفه الاخرى
سرسري ..يعني سربوت سربوت ........ يعني داشر داشر ,,,,,,, يعني صايع في الشوارع وهو اسهل واحد يطيح في التتن تتن ......... دخان
برندا ..ميراندا,, لان اول واحد قالها في الرياض كان مزكم وقال براندا
محلي ..مصدي
يا خزياه ..اكثر من يقولها العجز الله يخليهم لنا ولا يحرمنا من حتسيهم يعني انها استحت
ديرمه ..روج الاولين الاصلي يخلي البراطم بنيه
يصّطر ..يصفق مثل ترا ابصّطر كف يعني بصفقك كف
سواني .. رح للجنادريه وانت تعرف وشي ,, ترا مهيب السوق
زبيل ..وانت رايح للجنادريه تشوف السواني اسئل عن الزبيل
سماط ..ماله داعي تروح للجنادريه , رح لاقرب محل مواعين وقل عطني سماط ,,,,, مفرش ناكل عليه ومنول نسميه سفره
دارسينعودان يحطونها الحريم مع الاكل بس مدري وشي ، انا من اول احسبها هي الديرمه
ملاس ..ملعقه كبيره مخفسه ننتسب بها الغدا
مراصيع .. قطرت سعبواتي ، اسالو الحريم ويعلمونكم عنه تراها تنوكل
صبيب ..انظر اعلاه ,,, هو نفسه بس بطريقه ثانيه
ترم ترم..فلم كرتون نسميه منول ترم ترم وبعض البزران يسميه ابو تتنه (! ( اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه يسمونه النمر الوردي وهو اصلا بنك بانثر
قاف ..منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها ودايمن تقول الام لولدها اذا ازعجاها " رح في قاف "
عوافي الله .. هذي الكلمه عقدت كل البزران دايمن تستخدمها الامهات لتخويف البزران اذا بغو يطلعون للشارع بالليل وتقول ترا بتجيك عوافي الله
ملطوش[/ALIGN]
|
العرض العادي
