تبغى تعرف وش يسون البنات والشباب إذا رن جرس الفسحة !!!!!
الشباب في الفسحة ..
- تلقى واحد منهم نايم طول الحصة واول مايرن الجرس يدعي على اليوم اللي دش فيه المدرسة ( لان حلمه انقطع بسببهم )
- واثنين من الصبيان ينتظرون متى يروح المدير اللي صار له واقف ساعة جدام الصف واول مايتحرك خطوتين يشلون شلايلهم وينطون من الجدار وينحاشون من المدرسة ويمرون على كم دكان في طريقهم وبعد نص ساعة يرجعون المدرسة ..
- وشلة تروح ورا المدرسة ويجلسون يدخنون لين ما يقولون بس وما امداهم يشفطونها الا واحد رايح يفتن عند المدير وما يحسون الا المدير حابسهم في غرفة الاحتجاز ويتصل تليفون حق ابائهم .
- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويلعب سوني )
خلصنا من الشبــاب
وانروح انشوف شيسووون البنــــــات
اول ما يرن جرس الفسحة
- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوتا في اخوها الصغير امس ..
- كل وحده تمشي وفمخباها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترد البيت على طول تتصل تليفون للدكان اللي على الشارع ..
- والبنات الدوافير اول مايرن الجرس تشوفها داخلة غرفة المدرسات تبي المدرسه تشرح لها الدرس اللي كانت غايبه فيه.
- وبعض البنات اتشوفهم متحذفين ورا السلم يحلون واجب الرياضيات اللي ماحلوه في البيت ..
- اما الاهم .. تشوف بعض البنات يستأذنون من الحصة قبل البريك بثلاث دقايق ويركظون المقصف –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع منتهي ....
مــ ن ـــقـول
|
العرض العادي
