مسلسل جديد يعرض على abc مقتبس من مسلسل لاتيني لاقى نجاح كبير في كافه امريكيا اللاتينيه ، فسووا نسخه على الطريقه الامريكيه .بس ظلت البطله من اصول لاتينيه بس عايشه في نيويورك ..
القصه تدور حول فتاه من حي فقير ، ذكيه ، طيبه ، صادقه وشينه ، حصلت على وظيفه في في مجله تعني بالموضه والازياء والمشاهير ،وصارت تشغل وظيفه مهمه جدا ، وهي مساعده المدير (ابن رئيس المجله ) ، واكتشفت انه شكلها كان له دور في تعيينها لهذا المنصب ، وهو انه رئيس المجله تعب من علاقات ابنه بمساعداته فحط له وحده شينه ..
و دخلت في اجواء تهتم بالمظاهر واللبس وتقيم الانسان على شكله واللي حولها ناس راقيين وسطحيين و فيهم كل انواع النذاله وملعوزين بيتي طول الوقت
في البدايه بيتي كانت واثقه من نفسها بس لما تعاملت مع الموظفين تغيرت نظرتها لفكره المظهر والجوهر .. طبعا المسلسل فيه قصص حلوه ومشيقه و حتى الناس الحقودين واللي يتربصون ببتي ورئيسها يموتون من الظحك ..
الكاست
بيتي
دانيال ابن رئيس المجله .. يحاول يثبت لابوه انه كفو يحرر مجله ، وشخصيته حلوه ، طيب ومتواضع ...
برادفورد رئيس المجله ..
تلعب دور الشريره ا في المسلسل وتبغي تقضي على دانيال وابوه عشان تنفرد بالمجله ، وتتآمر مع وحده عجوز ( مادري شسالفتها، للاسف ما شفت الحلقه الأولى) لانه مصالحهم تتفق مع بعضها ، ودايما تحب تلبس وتكشخ ، وكل يوم بدله وتسريحه غير شكل ..
مارك ، مساعد الشريره الشخصي وهو شخص كريه ومن الاشخاص اللي ملعوزين بيتي ، كل ما اشوفه اتمنى لو اصفقه كف ، بس يظحك خاصه مشيته وحركاته ،والكحل اللي حاطه ...
اماندا ، بنت وقحه وشايفه نفسها وكل ما شافت بيتي قطت عليها نقزه ولا سبتها في وجهها ، وهي على علاقه بدانيال
والد بيتي ، يحب بنته بيتي ، وهي دايما ما تعتني فيه وتراقب اكله ، بما انه مريض ...
جستن ، ولد اخت بيتي ، دلوع جدا اقرب الي البنات من الاولاد ، يموت في الفاشن ومن المهتمين بتتبع اخر اخبار الموضه ومانزل في السوق ..
^
^
^
^
^
، ولما شفت الحلقة الثانية استخفيت على المسلسل ، الممثلين بارعين في التمثيل وخاصه بيتي ، وفي حركات حلوه في المسلسل ، منها لما يحطون والد بيتي يشوف مسلسلات مكسيكيه ودايما تكون مشاهد تضحك لممثلين مشهورين في المكسيك (مره حطوا هكتور حبيب روبي ) وفي حركه بعد حلوه يحطونها وهي لما يشوفون fashion tv ، تطلع مذيعه عبيطه هبله ..يعني المسلسل فيه حركات حلوه. .والتصميم الداخلي لمقر المجله وايد حلو و يعطي للمسلسل جو ، ميزه عن باقي المسلسلات .. المسلسل كانه فلم كوميدي خاصه المؤثرات الصوتيه ويذكرني بدسبرت هاوزوايفز
ونسيت اقولكم ، سلمى حايك من منتجين هالمسلسل وعلى قولتهم احتمال انها تطلع فيه ..
مبين عليه مسلسل حلوووو بس ماجفت له دعاية ؟!!
ماادري اذا عرضوه او بيعرضونه
بس انا احب هالنوع من المسلسلات والافلام اللي فيها تغير
يسلمووو وبعد
تحيــ مزيونة المنتدى ــاتي
مبين عليه مسلسل حلوووو بس ماجفت له دعاية ؟!!
ماادري اذا عرضوه او بيعرضونه
بس انا احب هالنوع من المسلسلات والافلام اللي فيها تغير
يسلمووو وبعد
تحيــ مزيونة المنتدى ــاتي
**_Ugly Betty (بيتي القبيحه)_**_ وبــعــد ؟ _**
