الي مثلك ياحبيبي ما يلام
قوم وانسى الدمع وانساني معه
لا تحاتي الليل ودعني ونام
الســهر ما هوب ظيــق الا سـعه
خلني ما بين كذبك والغرام
بنثره واخر طموحي اجمـعه
بك ختمت المسك يا مسك الختام
واحفظ أغلى بيــــت وانسى مــطلعه
عــــاشقك لا شــح صــوته بالــكلام
نـــاظر عيــونه كــلامه تســمعه
ما ورا ذيك الطعون إلا الخصام
وما ورا وصلك وقربك منفعه
عدني ما كنت وانساني مدام
الفراق اصبح جهاتي الاربعه
خــابــرك حســاس وتخاف الزحـام
خـاف قلبن به هموم مجمعه
اعتقه لله واتركه بسلام
ما بقى به عرق تقدر تقطعه
كل ما طاح الامل شلته وقام
لين طحــت ومالقى من يرفعه
غلطتي كنت انتظر منك اهتمام
وغلطتك بعــدي وثمنها ادفعه
لا تقول البعد والفرقا حرام
الحــرام اعطــيك عمر تظــــيعه