السلام عليكم ورحمة الله وبركاته
^
^
^
^
بالله وش رايكم فيه .. تحسون انه ساحب على أم الدنيا
أحم أحم
نبدأ الموضوع
السالفة يا حبايبي الحلوين وحبيباتي الشينات :ae:
اني ذيك اللية كنت تعبان وابي انام
وانسدحت على سريري وكالعادة بدت الهواجيس تعلب بي
الا فجأة اشوف صورة على جدار السقف
أفرك عيوني وادقق .. الا واشوف صورة الموناليزا
يؤ وش جاب صورتها في سقف غرفتي
وشوي الا الصورة تتحرك
أفرك عيوني مرتن ثاني ابي أتأكد ....
ايه والله الصورة تتحرك لا وبعد تمد يدها
وشوي اسمع صوت مصدره من الصورة:an:
الا الصورة تتكلم وتقول :
هي انت ياحلو 
مد يدك لي وتعال معي لدنيتي
انا : وخري عني يادبااا <<<<< خايف خخخخخخخخ
الموناليزا: اقول مد يدك لا أمحط هنا مسوي ثقل انت ووجهك
انا ... على طول مديتها (( آآآبوك يالخوف ))
أول ما لمست يدي يدها .. انقلبت الدنيا من حولي
وصرت في عام 1503ميلادي .... والله البلشه
وش السالفة ... وش جابني هنا .. وراني مانيب بغرفتي وعلى سريري
وقطع علي هذي الاسئلة صوت بنت جاي من وراي وتقول
لا تخاف حبيبي انت في عالم غير عالمك
التفت عليها واطالع الا هي الموناليزا ....
أنا : انتي وش سالفتس علي اليوم .. رجعيني لبيتنا ابي امي ابي ابوي ابي شغالتنا |184|
الموناليزا : وش فيك انت خواف كذا .. ياخي انا جبتك هنا عشان اصارحك بحبي اللي كتمته لك من زمان
أنا : وش حبه انتي وخشتس .. متى المعرفة لا تورطيني انا مالي علاقات ولا اعرف اغازل ولا اعرف ارقم
حتى مره جيت اجرب الترقيم مع شغالتنا طسيت عينها بالورقه .. (( يقالي ذاب الرقم من بعيد خخخ ))
الموناليزا : ههههههههه ياربيه دمك خفيف وما تغيرت عن اول مره شفتك
انا : تسلم هالضحة يابعدهم انتي <<<<<< بدت اللعانه أجل ما تعرف تغازل خخخخخخ
بس متى شفتيني ..!!؟؟
الموناليزا : تذكر قبل سنتين كنت مسافر لفرنسا وزرت متحف اللوفر
أنا : ايه ايه أذكر
الموناليزا : ايوووه يومها مريت من عندي وشفتك وحبيتك ... فتنتني بشعرك الفلافل وجبهتك المنبعجه
أنا : ايه انا دايم يخقن البنات عندي بس ما اعطيهن وجه
مادريت الا ماحطتني على جبهتي وقالت :
بلا فقش انت وخشتك ... اصلا انا حبيتك لسبب واحد ان البنات اذا شافوك ينحاشون
ومحد معطيك وجه .. وبكذا اضمن انك ما تخوني مثل الخاين ليوناردو دا فنشي
أنا .... أحك جبهتي واقول :
طيب شوي شوي انتي ويدتس اللي تقولين مفك عجل ...
نعنبوها مهيب يد ذي |190| ... وعلى فكرة .. اصلا انا مرتاح كذا ولا ابي بنات
يعني ماله داعي التحطيم .. وتعالي وش سالفتتس انتي وخويتس ليوناردو دا فنشي
الموناليزا: الخاين أكتشفت انه راعي بنات .. لا فوق هذا واعدني انه يرسمني ويخلي صورتي عنده
لكن الدب نشر صورتي وشافوها كل العالم ..
أنا : من زينتس الحين :ae:
طرااااااااااااااااااخ على راسي
الموناليزا : تتريق انت ووجهك .. شف خشتك بعدين تعال اتريق علي
وأنا أحك راسي :
اقول ترى ان مديتي يدتس مرتن ثانية لا اتهور واصورتس بالجوال وانشر صورتس
بالنت ... ترى ما امزح 
الموناليزا : تسويها انتو يالرجال ما لكم أمان ... تهي تهي تهي تهي<<<< تبكي
وتعطيني ظهرها وتتربع وتجلس ....
وانا اللي اتوهق مدري وش اسوي
واروح انبطح على بطني قدامها واجلس اناظرها وأبتسم إبتسامتي الخالية من الأسنان واغني لها
هيلة يارمانة ... الموناليزا زعلانه ... من يراضيها ... أنا أراضيها
وتناظرني وتبتسم:bg: ... وانا اللي اسكت واقول :
بسم الله اللهم سكنهم مساكنهم ..
الموناليزا : ياربييييييييييييييييه ياعزوز والله اني أحبك ومقدر أفارقك
أنا :
حتى أنا أحبتس بس ابي ارجع للبيت وانام لان وراي بكرة دوام
<<<< يلعن ام الرومنسية اللي تعرفها
قالت :
خلاص بخليك تروح بس بعطيك صورة لي ....
وهي الصورة الأصلية لي مو الصورة اللي نشرها الخاين ليوناردو دا فنشي
واماااانه تخليها عندك وما تنشرها
أنا :
ولا يهمتس يابعد طوايف اهلي
واعطتني الصورة .. وباستني ثلاث بوسات ثنتين على خدودي والثالثة على
خشمي :ae:
وقالت لي غمض عيونك ....
وغمضت عيوني وما دريت الا انا على طرف سريري وما امداني امسك عمري الا
ودردووووووووووووووب على جبهتي ....
واقوم واجلس أطالع فوق السقف ما عاد فيه صورة ولا شيء
وافتش مخباي والقاء صورتها :bm:
وبيني وبينكم انا حاقد عليها
من اليوم وهي تضرب فيني وانا ساكت فقلت إنتقاما لها أنزل صورتها الأصلية حتى تشوفونها
ولاحد يسألني عن جمالها الحقيقي :ba:
...
.
.
.
.
.
.
.
.
.
.
.
.
laal
ياحبي لها بس هالطخمه
شباب غضوا البصر
بنات بلاش شغل الغيره
وهذي خربشة كيبوردية وقصة من نسج الخيال
كتبتها عند مشاهدتي للصورة التحفة
واعذروني على الإطالة
وهذي ضغطه على زر اعتمد الموضوع l302l
* * * * * * * *
عزوز
+*^^*+ الموناليزا تحبني +*^^*+
