..:"*& دنيتي وناسي &*":..

**Just Name** · 27-03-2008

السلام عليكم

قررت جستو وأخيرا تكتب إلي بخاطرها فمكان

أنا وحده ما متعوده أكتب إلي يصيرلي ... لأني أخاف من شي اسمه دفتر يوميات

وخاصه إذا كان عندك في البيت ناس فيهم فضول

فأحسن لك لا دفتر ولا هم يحزنون .. ولا تلقى عمرك معلق على المروحه

الموهيم ... سميت يومياتي دنيتي وناسي ... لأنه كل إلي بيستويلي وراح يستويلي من مواقف بيكون فدنيتي طبعا وبين ناسي >> قامت تتفلسف

ف اتمنى تستمتعون ويايه

**Just Name** · 31-03-2008

اليوم الإثنين 31\3\2008
الساعه 10 و10 دقايق

كل إلي صار إني كنت مريضه من يومين .. سبب المرض ربع كوب ماي بارد

نحن متعودين فالبيت ما نشرب شي بارد .. لأنها نحن عالدقه نمرض

فطحت طيحه قويه .. يومين وانا مانشيت من الفراش ..

مارحت الجامعه ....البارحه الصبح عالساعه 9 ونص نشيت وماماتي قات إن عذوب اتصلت

فديتها كنت متوقعه ها الشي ... بعد شوي لقيت مسج من بنت زايد تقولي سلامات وجان استانس >>>> كل يوم بمرض هه

بس الحمد الله اليوم احسن بوايد ...رحت الجامعه وصبحت بويه قماري وبناتين من الصبح ( بناتين اليوم باللبس المغربي محد يرمسها

)

بعدين رحنا كلاساتنا... وكنت اتريا متى الدوام يخلص عشان التقي بلي قلبي مشتاقلهم

واخيرا خلص الدوام ورحت الكفتيريا وجفت حبايب قلبي وتوأمي ... كنت مريضه بنسية 20% لكن لما جفتهم راح عني المرض كله..

سولفنا شوي ... وماماتي طبعا وكالعاده مرت علي فغير موعدها وشلتني

اليوم ويالتحديد الحين أنا متضايقه ( عذوب ما جفتها عالمسن ولاسولفت وياها ..

. بطرشلها بعدين رساله .. بس هاي ديايه ترقد 8 ههه)

وجان اختمها بفرحت اليوم الشارجه فازوا عالشعب 4 واحد عالشيبه ... عذوب باركيلي ... وأخيرا قهرناهم

**Just Name** · 29-04-2008

اليوم آه من اليوم 29\4\2007

تقدرون تسمون يوم جستوه العالمي

شو السالفه .. الله يسلمكم ... الاخت جستو داشه اعلام هي والفقيره قماري .. عاد باقي الشله هندسه وعلوم صحيه .. يعني مخلينه انا وقمور عالهامش

الموهيم ..... بعد ماخلصت اول كلاس عالساعه 9 .. انا وعذوب وقماري .. ركبنا مع سواقتنا قماري >>بتنذبح خخ
رحنا لباركنات w3 .. وقبل ما ندش المبنى .. وقفتنا سياره وكان فيها بنتين يلطنون عنجليزي ... على حكم إني إعلام فما رمست بداية .. بس فهمت شو بغو .. كانو يستخدمون مصطلحات علميه .. يعني المفروض عذوب تعرف ... بس محد رمس ... وعذوب تقولهم تحاول تفهم هم شو يبون بالضبط .. إظاهر يبون كلية العلوم الصحيه ومب عارفينها وين
لاعذوب ولا قماري رمسوا .. فما بقى إلا أنا ... وجان ادليهم .. قو استريت إن ذس رود .. يو ول سي باركن .. ذ بلدنق إن يور لفت هاند إس دبل يو 7 ... قو لف >>>> المهم .. سكتو رمست عنجليزي
وجان يدلون
عاد محد يرمسني .. اي هندسه واي خرابيط .. جوفوا بنت اعلام إلي مانجحت في التوفل ولا الآيلس شو سوت اليوم ههه

لا نسيت اقولكم .. قماري رغم إنها اعلام بس بعد خقيت عليها تدرون ليش .... لانها يايبه درجه احسن عني في الديركشن ... وهي سكتت شرات بنات الهندسه >>>سبه هع

وما انتهت مغامراتي هههه

رحنا الكافتيريا .. تلاقيني بمزون وربيعتها ... تدرون عاد النيرسنق وكتبهم إلي تقول المكتبه بكبرها .. لفتت نظري ورقه مرسوم عليها باليد بعض اعضاء الجسم ... عاد انا يودتها بعدين عذوب سحبتها عني ... ربيعت مزون سألتها ..شو إلي بالصوره ... عذوب .. ويافشيلتج وفشيلة ابلة الاحيا ... قالت معده ... سحبت الورقه .. وماطلعت معده طلعت كليه يا كلية امج ...(ميته ضحك اتخيل عذوب وهي تقرا ) ... ف أقين ... بنت الاعلام غلبة الهندسه ...

( إهدا لعذوب .. قلتلج لازم افضحج ... يا بنت الهندسه )>>> تدري انها بتنذبح

همسه :( سوري قلبي ضايجتج اليوم .. تدريبي وحالاتي النفسيه )