يوميات بناتين

[بناتين]

εïз

السلام عليكم و رحمة الله و بركاته

يااي شكثر حبيت هالقسم ،، يخلينا نعرف عن يوميات الأعضاء و نفرفش معهم ، حبيت أنزل بعض من يومياتي ،

يعني ع حسب المزاج ، و يسلمو مقدما لكل عين تقرأ حروفي


εïз


10ديسمبر 2007


وعيت بوقت الفجر من بعد ما شفت كابوس ( حتى إني أخاف أقوله ) ، لدرجة إني بغيت أحد يحتويني بحضنه لحتى

أحس بالأمان، ما تجرأت أفتح عيوني خوفا من إني أشوف شي ، و لا قدرت أحرك من وضعيتي خوفا من إني أحس

بجسم آخر معاي ! ، الخوف كل ما له يزيد و قلبي يدق دق دق دق ، قريت قرآن و دعيت ربي إنه يريحني ، ما ثواني

إلا و غفيت ، قمت مرة ثانية بسبب كابوس ثاني ألعن من الأول >> يا ساتر شو اللي طاري علي اليوم !! ، و نفس

حالة اللي قبل ،، عيوني مغمضة ، ساكنة ما أتحرك ، أنتظر دقات قلبي تهدأ و أهدأ كلي معه ، فجأة : انفتح ضوء الغرفة

على إيد أختي ، و من أول ما حسيت بالنور فتحت عيوني و ارتحت نفسيا و قمت اتجهز ، و قبل لا نروح للسيارة ،

تضاربت اختي معاي و السبب كان اني لبست شيلة من شيلها ، و اول ما شفت الحبيبة تقرب مني رحت شردت

للغرفة و سكرت علي الباااب ، و قالت لي ان ما غيرتي الشيلة ما رح اوصلج و اقعدي بالبيت ، قلت لها عادي بمشي ،

و صارت تدفع بالباب و عصبت لأني ما اهتميت لتهديها ، و سوتها فعلا ، راحت و لا وصلتني على الشارع العام لموقف

الجامعه ، و لمن تأكدت من خروجها قلت مستعدة أمشي أو حتى أزحف بس أهم شي إني اصيرت على رأيي ، و بعدها

مشيت بهالجو الحلو و أنا مستمتعه بكل لحظة مشيت فيها ، ركبت الباص و وصلت للجامعه .

εïз

و بهاليوم تعذبت وايد ، من كثر ما تلعوزت حسيت الباب مقفول بوجهي ، قعدت ع الدرج ابكي و دموعي أربع على اربع

، جت زميلتي و شكيت لها حالي ، و مر الحلو ( اللي نشوفه مزون و اناا ،، هو طالب بالجامعه ) و نزل بالدرج ، و لمن

وصل تحت رفع راسه فوق لحتى يشوف مين هاي اللي تبكي ! ، انتبهت عليه وقتها و من داخلي انبسطت ، و الحمدالله

ارتحت بس طلعت كل اللي بقلبي ، و اثناء تسجيلي صادف لقائي بـ زميلين لي معاي بالكلاس ( إسلام و عمر ) ،

استانست لأنهم سلموا علي أول ما شافوني و سألوني شنو سويت بجدولي و شو ناقصني ، اكتشفت إنهم يعانون من نفس

المشكلة اللي أعانيها ، دردشنا شوي عن أمور الجدول و خاصة لأول مرة أتكلم مع عمر وجها لوجه ، و بعد شوي دخل

علينا زميلنا الثالث محمد ، بخاطري قلت مو وقته قطع علينا سوالفنا صج انه دفش ، فـ سكت و وقفت مكاني انتظر ،

و للأسف ما صار اللي كنا نبغيه يصير مشان الجدول ، و كل واحد راح بحال سبيله زعلان و شايل هم اشلون رح

يسجل للفصل القادم ، و بعدين سمعت ان مشكلتنا انحلت بطريقة ثانية فـ رحت سجلت و ضبطت أموري ، بس قعدت أفكر

شو صار مع إسلام و عمر ، يا ترى عرفوا بالحل و لا لأ ؟!! يالله بسأل إسلام باجر إن شفته .

و الحمدالله يا ربي إني سجلت المواد اللي أبيها ، حتى لو ماااا صار نصيب بالأاوقات اللي اخترتها ،

لكن أهم شي حجزت لي مكان ، و الحمدالله على كل حال .

يالله سترك ، شو هاليوم !


εïз

[بناتين]

الثلاثاء 11 /ديسمبر /2007

صحيت 6:45

صباحية مقرفة تلوع بالجبد .. رجعت مرتين .. توازني مختل .. كل اللي بغيته اني انسدح و ما اسوي اي حركة

اضطريت اروح للجامعه لحتى اقدم بحثي ،، استقبلتني مزون و دردشنا و ما خلينا لحظة ما ضحكنا فيها

شفنا الحلو .. أكثر عن 5 مرات تقريبا امبارحه .. و هذا اعتبره فال خير لتكملة باقي اليوم على خير

علقنا ع شباب كلاسي .. لأنهم كانوا قاعدين عند المرر .. و فطسنا من الضحك و خاصة على محمد عبده

رحت كملت إجرااءات جدولي .. و بالنهاية اكتمل على خييييييييير

شفت شلة بنات الكلاس وحدة وحدة ..يا فديت روحهن.. سلمت عليهن قعدنا شوي و ركبت باص الـ 12

رجعت البيت هلكانة .. رقدت .. قمت ع صلاة العصر و رحت للدكتور .. عطاني ابرة من اللي يحبها قلبي

ع صلاة العشا .. قعدنا برع بالحوش .. تزحلقت على طرف الدرج .. تعشينا بهالجو الحلوووووووووو

و ع طوووووووول رحت نمت ع الساعه 8:20

و هذا كان يومي باختصار

[بناتين]

السلام عليكم

مسا الخير للجميع

εïз


الاربعاااااء

12 / ديسمبر / 2007

>> يوم ميلاد يسموني القمر


εïз


Somone To Love

^

إسمعوها إن حبيتوا



^

هاي حالتي .. مستانسة لأني استمتعت اليوم بيومي الحلو .. و ربي يحلي ايامنا كلها ان شاء الله


صحيت الساعه 5:45 .. و كلي كسل اقوم من فراشي و اتمسك بكل شي قدامي بس عشان ابقى نايمة

شفقت مسج من مزون تقول انها ما رح تدوام .. حز بخاطري لأني بغيتها تداوم عشان نشوف الحلو سوا

رحت للجامعه حضرت كلاساتي .. و التقيت بعذابي يا قلبي عليها بالكافيتريا .. استانسنا كثير .. و قعدنا نضحك .. نضحك .. نضحك

ههههههههههههههههههههههههههههههههههههههههههههه هههه

ههههههههههههههههههههههههههههههههههههههههههههه هههه

ع بو شنب .. و ع بو ثيم و ع مدمنة انترنت كانت قاعدة بالكافيتريا .. الله يسلمكم هالبنت اللهم لا شماته ..

مريت الصبح قبل لا اروح كلاسي و حصلتها قاعدة ع اللاب توب.. و مريت مرة ثانية من بعد كلاساتي .. و بعدها ع

نفس الوضيعه .. استغربت !! هالبنت ما تتحرك .. دووووووووووووووووم على هاي الحاله .. استغفر الله

و بعدين جت جست نيم .. و استانسا اكثر .. خاصة لمن مرت ربيعتنا عمرية ههههههههههههههههههههههههههههههههههه

و عقبها شفنا قماري و بنت زايد .. حبيبات قلبي .. و جى موعد رجوعي للبيت .. سلمت عليهن و رحت ..

و اول ما دخلت البيت ماماااااتي استلمتني و هزبتني عدل من الخاطر ههههههههههههههههههههههه.. السبب كان اني كنت

حاطة مكياج قوي بعيوني .. ((( عذوب تراج شفتيه .. شو حسيته !! ))) قعدت اسمعها و اضحك من تحت لتحت .. و الحمدالله الامور هدت و عرفت اشلون

استسمح منها بطريقتي و أعطيتها عذر مقنع كوني أول مرة اسوي مكياج عيون بجامعه ،، يا حبيبة قلبي يا يمه .. الله لا

يحرمني منج يالغالية .. بس اهم شي اني سمعت مدح بعض البنات ع عيوني من اول ما ركبت الباص

هههههههههههههه

و رجعت للبيت نمت و قمت ع صلاة العصر .. مرتاحة البال و الخاطر .. و فتحت المسن و دق يا سوالف مع العالم

.. و استانست لأنه في نااااااااااس قالت عني مزيونة >> ينقص عليها بسسسسسسسرعه هههههههههههههههههههه

و بعدين جتني رساله خاصة .. و لقيتها من تذبح موت .. تقولي لج دعوة .. تفاجأت لمن عرفت قلمو مختارني

هههههههههههههههههههههههههههههههههههههههه تسليت بالإجابة ع الأسئلة .

و الحين قاعدة افكر اطلع بالحوش اضبط الجو لحتى اذاكر لمدة ساعتين ..

[بناتين]

اقتباس و الحين قاعدة افكر اطلع بالحوش اضبط الجو لحتى اذاكر لمدة ساعتين ..

أكيد ما كنت صاحية لمن كتبت هالجملة !!


المهم

قعدت اسولف ع المسن مع سهام .. شكثر ضحكنا ..

و سولفت ويا جست نيم .. شكثر اسمتعنا

و الحين بروح اطرش موضعي للدكتورة >> تو الناس

و بعدين بروح انااام من غير عشى.. تعرفون لازم احافظ ع نحافتي

[بناتين]

الخميس 13/ ديسمبر / 2007

صباح الخير و الفل و الياسمين و الورد الجوري لأحلى عيوني تقرأ يومياتي

اليوم صحيت الساعه 5:45.. كنت متعاجزة أقوم .. أحس ابليس يقولي نامي يا بنت .. و انا اقول لنفسي قومي يا بنت

.. عشت صراع داخلي قوي .. أقوم و لا ما أقوم .. الين ما قمت بعد نص ساعه .. و ع الحركة البطيئة بعد .. نزلت

رجلي اليسار و بعدين اليمين .. نصي صار ع الارض و النص الثاني متمكسه بلحافي لآخر لحظة .. كنت متمنية اكمل

نومتي هىء هىء .. المهم لمن خلصت صلاة .. سحبت تنورة الصلاة .و سحبت معاها بنطلوووووووني هيييييييييك (

صادف ان رباطه كان راخي .. فساعد انه يطيح بكل نعومة ).. شفتوا الحركة و لا أعيدها ههههههههههههههههههه .,,

حسيت نفسي خفيفة و بين السحاب هواء داخل و نسيم عليل طالع .. لو كنت لوحدي كنت بمشي السالفة .. بس اختي

شافت اللقطة.. و عاد هي صارت تضحك باعلى ما عندها .. و انا من الاحراج غطيت وجهي و قاعدة اضحك على

الارض هههههههههههههههههههههههههههههههههههههه .. المهم مر الموقف المحرج على خير .. بغيت اسوي لي فطور

صحي لحتى اخذ الطاقة اللي تخليني ادرس ( بيض مقلي و كاسة حليييييب ) .. رحت للمطبخ و طلعت بيضة غسلتها و

حطيتها بين منشفة عبال ما اولع الغاز .. و بس جهز الغاز .. شفت المنشفة بغير مكانها ففكرت اني ارجعها لمكانها .. و

سحبتها هيييييييييييييييييييييك .. و طاحت البيضة ع الارض .. ( حضرتي نسيت اني حطيت البيضة بينها .. و ما كانت

مبينة بعد ) .. و بعدين بس شفت المنظر قلت يا حسافة راحت البيضة سدى ً .. كنت اتمنها أفرها على الصوت الجريح

أو حوار صريح .. صورت لكم المنظر و هذا هو .. و اضطريت من على الصبح انظف المطبخ لحتى يكون كل شي





اوكي قبل لا ماماتي تصحى .. فطرت و رحت للحوش عند الدرج اضبط الوضع لحتى اذاكر .. بديت مذاكرة من

الساعه 7:45 الين 8:40 .. و بعدين نشغلت ويا امي .. و اكتشفت انها ناوية تطلع تخلص شغلة و بغتني اروح وياها

.. قلت لها ما اروح ع الفاضي .. توديني اخلص عند الخياط يسوي لي فستاني اللي اباه .. قالت يلا بس فكينا .. يلا

برب بروح اتجهز .. مستعيلة وايد وايد واااااايد هههههه.. حتى مب عارفة اشلون جهزت الرد

نشوفكم على الخير و مع السلامة

[بناتين]

و هاي رجعتي من شوي .. خلصنا شغل ماماتي .. و اتفقت ويا بنت خالتي نروح نسوي فستاني ع الساعه 1:30

و اول ما رجعت فتحت المسن .. استقبلتني لولي فديت روحها .. و قعدنا نسولف بسوالف بناتية

و سولفت مع ربيعتي يا حليلها و وسعت صدري و الحين البنت راحت تفطر بيض و صحن فول

[بناتين]

باااااك


من شوي راجعه من عند الخياط و سويت الفستااااااااان اللي ابيه

و الحين قاعدة اسولف ويا عذوب ع المسن . . و حاسة بطني رح تنفجر من سالفه (.........)

هههههههههههههههههههههههههههههههههههههههههههههههههه ههههههههههههههههههههههههههههه

هههههههههههههههههههههههههههههههههههههههههههههههههه ههههههههههههههههههههههههههههه

هههههههههههههههههههههههههههههههههههههههههههههههههه ههههههههههههههههههههههههههههه


آخ يا قلبي مو قادرة أستحمل

[بناتين]

هاي رجعتي من بعد ما طلعنا لـ سفير مول و نادي الشعب .. استانسنا بالطلعه و غيرنا جو

و توني قارية يوميات قلمو .. و فاطسة من الضحك عليه ههههههههههههههههههههه

و مريت ع يوميات عذوب .. و الله يهديها خلتني اتذكر سالفة بو شنب اللي مقطعه بطني من الضحك هههههههه