يوميات طير من طيوركم

[طير الشووق]

السلام عليكم كيفكم عساكم بخير

فكره حلوه مسيو لونلي ..خاصه الواحد يفرغ طاقاته الكامنه ..ومحد يتريق ..وينكت عليه
اليوم الاثنين الساعه 11:53 ص ..صارت احداث غريبه وعجيبه ..

ما نمت الا كم ساعه ..وقالت لي الوالده الصباح ..ابيك توديني لمستشفى الملك خالد للعيون ..
الساعه 11 ..ابيك تستاذن ..وتجيني بسرررررررعه ..

عاد انا ابيها من الله الاستئذان ..المهم طلعت وجيت للبيت لقيت طير الهوى مودي
الوالده للستشفى ..!!

فاول ما جيت للبيت ..جاني خبر نقل اخواني الزعيم وأحمد ..الى الرياض ..(( هم كانو في الشرقيه عملهم ))


صدق خبر يفرح الواحد ..بيبدا السووق بالبلاستيشن ع طووول ..ويبدا التحديات والمنافسات ..

والحين الزعيم واحمد يلعبون بلايستيشن من الفرحه ..

ويالله برب للصلاه ..ولي عوده

[طير الشووق]

8:40ص .. اليوم الثلاثاء بتوقيت الرياض << فاهم غلط

اليوم صحيت من النوم ..وعطني النوم عن صلاه الفجر ..صليتها بالمجلس

جلست وانا بقمه الطفش ..مدري وين اروح حتى سحبت ع الدوام لابوها من حاله

حتى لحد الان ما افطرت توي مريت ع موضوع عذابي لقيته طويل ..

قلت اقراه بوقت ثاني مالي خلق هالحين ..>> يا ويله من عذوبتنا

شكلي بروح للمردسه هالحين ..اذا استمر الوضع ع حاله

يالله برب بروح ابتلع (( افطر ))

[طير الشووق]

عدنا

الساعه 6:44 م

الاجواء مستتبه ..الوالد قدامي نايم عنده دواام الساعه 9 بعد شوي ..

والباز والزعيم يلعبون جنبي ..بلايستيشن ..وانواع الازعاج والقروشه

وعليان توه اتصل بالزعيم ..يقوله بجيك العب معك بلاستيشن ..سكرت الجهاز قبل كم دقيقه
وجاء عليان وقهويته ..ورجعت كملت الرد

الزعيم مختار فريق باير ميونخ ..وعليان طبعا انتر ميلان

وطير الهوى ماسك الكتب وقاعد يذاكر الله يووفقه ..ويحقق كل طموحاته ..

قولو امين .. ..

الباز خلص من العب .

توه كان جنبي قال بيروح يشب النار قدامي ..الجو بريد <<تصغير للبرد

ويالله جاء وقت الصلاااه ..بررررب

[طير الشووق]

السلام عليكم ..مسائكم عسسسسسل

الساعه 6 ..مسائن

اتصل علي كااتم الاهات يقول يبي يسير علينا ..قلت له حياك الله ..
بانتظارك ع احر من الجمر ..

انا توي صاحي من النوم ..أحس اني مدنوخ مع اني نايم 13 ساعه ..لاكن
الظاهر من كثر النوم دنوخت

وطير الهوى ..توه صحى من النوم ورايح يشتري له عيشه

يالله برب ..بروح استقبل وفد صاحب السموو ..كاتم



ولي رجعه مع احداثي من كتكت

طير الشوق

[طير الشووق]

الجمعه .. 8:31 ص

بــــــأأك ..نسينا أحداثنا مع كتكت << بدري

السلام عليكم ..صباح الخير

الاجواء هاديه جدأ جدأ ..الطيور كلهم نايمين باعشاشهم ..

الا ابو الطيور قاعد يطقطق بمواقع الجرايد ..

الاضحى

العيد الاسبوع الجاي ..وشكل الاهل

بيسافرون للديره ..عز الله لو رحت لها ..بيجيني الهم والنكد ..نعنبو ابليسهم ما عندهم نت ؟!

واحد من هناك تجرئ وجمع كامل قوه العقليه والجسديه وقرر انه يفتح مقهى

انترنت ..الرجال صمل ..وفتح هالمقهى ..ما كمل المقهى شهر من فتحته

الا وهو نص اغراضه متشحله الكيبوردات والاجهزه >> عاد صاحب المحل قفله

وشكله راح فيها ..الله يعوضه ..

الصلاه

بقى اربعه ساعات ع صلاه الجمعه ..عيد المسلمين ..الله يتقبل منا صالح الاعمال ..
انصحكم اقرؤا سوره الكهف ..ترى فيها الاجر الكبير بهاليوم الفضيل

يالله برب >> الى عالم الانترنت

طير الشووق

[طير الشووق]

اليوم الاثنين 11:40 ص ..

اليوم روتيني كالعاده ..العالم معطله ..والاجواء تطفش الواحد

لاكن جانا اليوم الصباح ..ضيوف من قطر ..يا اني مشتاق لهم
لي 3 سنوات ما شفت ولد خالتي ..

من يوم ما جاء هالادمي ..وانا والباز وطير الغرام نلعب سوني ..

لاكنه طلع ما شاء الله تبارك يعرف يلعب مو سهل ..صفقني انا والباز

بــ (( 10 )) ..وقابله للزياده لاكن لغيناها ..

اليوم عندنا عشاء الله يحيكم ..كلكم معزومين ..قولو تم

وكل عام وانتم بالف خير ..بمناسبه عيد الاضحى << أجل الكرسمس

وحاليا اشاهد مباره ولد خالتي مع اخوي طير الغرام ..

طير الغرام مختار نادي تشلسي ..وجاب 4

ولد خالتي ناديه انتر ميلان ..وجاب 6 << توه جابه السادس

يالله برب ..بروح العب بعد طير

طير الشووق

[طير الشووق]

الساعه 7:10ص .اليوم الثلاثاء

قمت الساعه 3 ..ومال يخلق لا شي ..حتى عجزان اروح اجيب لي اكل ..

ولحد الان ما أكلت شي ..متى تقول هالخدامه ..وتسوي لنا ذايك

الفولاي الي يحبه قلبك ..

لاكنه شويتين حار ..بس مافي مشكله ..متعدوين ع الحراره << والله من الشطه الكريستال

بكره ان شاء الله ..نبي نسافر للديره ..كلنا الا ابوي ..عنده دواام ..الله يعينه ع شغله

عاد امس فصلت ثوب ..للعيد ..والله ان هالثوب غررررررريب ..

شفت شكله بالمحل ..حلوو ..ومرتب ..لونه بني فاتح ..لما فصلته

ولبسته ..طلع تحت مربعات حفيفه ..وفوق مافي شي ..يعني

انت تشوفه ..تقول هذا معفس .. ..لعب علي الهندي

عاد وديته للمغاسل ..وقلت اكوه زي الناس قال هذا كذا خامته

لو اكويه عشرين مره ..عز الله طار علينا ثوب العيييييييييييد ..

لا والمكشله المحلات كله رافضه تفصل تقول انا بكره بسكر المحل ..الي هو اليوم

نعبوو هالهندي صدق ما يستحي ..يقول الثوب كذا خامته ..وانت شريته وي تبيني اسوي ؟!

لي عووده

[طير الشووق]

السلام عليكم

ما صارت يوميات صارت اسبوعيات ..المهم صحيت قبل الصلاه بثلاث ساعات

رحت بتروش شفت اانيا ثلج هونت هههههههه ..عاد رحنا نصلي انا وابوي

يوووه والله برد مره الله يخارجنا بس ,, خلصنا وجينا ورحنا نضحي ..اشترينا

الاضحيه بـ 750 ريال > اجل دولار > .. رحنا جبناها للبيت ومعانا الي يصلخها

وزعناها ع الجيران وخليها شوي منها لنا ..قلنا بروح للديره ..مشينا الساعه

10 الصبه وصلنا الساعه 1 ونص ..جلسنا نسولف ونفلها ..طلعنا حنا الشباب

للبر الساعه 10 الليل ..نصيد جرابيع المتعه مو باكلها لا ..بصيدها ..

عاد انا لحثت جربوع انا طردي وراه ..اخر شي اخذت العجره ( عصا )

واتقرب من عنده وصفقتها فيها ..هو طاااااااار ..وطاح ..ورحت اركض واخذه

ودخلها السكروب برقبته قبل لا يموت ..>> شوفو كيف الطريقه الوحشيه بالصيد هههههههههههه

ع طاري كيف نذبح الجربوع ذاك المره سالت ابوي قلت له كيف تذبحون الجربوع من زمان

قال نك&