تابعو الان حصريا على منتديات لونلي فقط يومياتي وأنجازاتي العالميه

[الـزعيم]

سلام عليكم ورحمه الله وبركاته ..

صراحه انا تفرجت في القسم وأعجبني بصراحه فكره رائعه والله يابو سعود ولا قصرت فعلا

واحلى مافي القسم ان مافي احد يقدر يرد عليك :) خلوها بظروفها مثل ماقالوو

اتمنى ان اكون عند حسن ظنكمــ ..
انا راح اتكلملكم على يوم الأحد صراحه كان يوم مليئ بالنوم ..

تعرفون البرد يخلي الواحد اذا نام ماعاد صحى .. صحيت الساعه 2 ظهرااا

صحاني طير الغرام يقول الغداء الغداء يازعيم انا داري انه ماصحاني الى

يبي يلعب بلايستيشن مايكسر راسه الى انا لووووووووووووووول .. تغديت ولعب قيم ..

وطبعا العصر اذا ما اطلع واتمشى احس ان اليوم كله راح علي ولا استفد منه .. طلعنا دوجنا

انا والستار عليان في شوارع الرياض الرائعه مع ان الجو كان مشمس صراحه الى انه يعتبر جيد ..

اذن المغرب صلينا والله يتقبل مننا وجلست اتابع مباراه كاس العالم الأخيره بين ايطاليا وفرنسا التي فاز

بها ايطاليا بركلات الترجيح اذن العشاء صلينا ورجعنا وبدأت الجلسه التاريخيه الي يتجمع فيها عمالقه القيم

لعب بلايستيشن وتحديات خطيره مابين انا وطير الهوى وطير الغرام وعليان والباز رحال وطبعا المنتصر

عليان والزعيم ايضا متفوق نسبيا عنهم سهره كانت ممتعه جدا وخلصت السهره والان انا على النت اكتبلكم الموضوع

وطير شلوى منسحدح جنبي يقول صحني الساعه 6 الرجال رحلته الى مكه بعد قليل تحيه طيبه من اخوكم

الزعيم والقادم احلى ..

[الـزعيم]

سلام عليكم ورحمه الله وبركاته

الزعيم يعود من جديد .. اليوم الأثنين يوم صراحه لاينسى ابدا ابدا ..

تدرون ليه هذا عاد يبيلها موضوع في الخربشه ..

نكمل قصتي للرد الأولي وديت طير شلوى للمطار ورجعت البيت الساعه

السابعه ونمت وصحاني طير الهوى الساعه 10 يعني بس نمت ثلاث ساعات

اول ماصحاني بغيت اصفقه في الطاسه الي جنبي بعد ماعلمني الخبر

صحيت وفزيت ............

ةالان احنا في العصر وراح نلعب كورع في ملاعب الأستاذ الملك فهد انا وعليان واحدى الطيور

وسوف نعاود الأتصال بكم لاحقاا .. وشكرا

[الـزعيم]

سلام عليكم وعدنا من جديد ..

اليوم الثلاثااء ساادس يوم من الأجازه .... وغير كذا رقم مشاركتي هاذي مميزه جدا 11000

والي يبي يشرتيه ماعندي اي مانع ..

طبعا كان مليئ بالنووووووووووووووووووووووم ....

صحت قبل صلاه الظهر بدقااائق ..

الأن جالسين نتقهوه انا وطير الشوق ونتفرج على قناه العربيه لنشوف

اخر اخبار الأسهم والميزانيه الجديده ... والان وردنا خبر على القناه بأن أنفجار ارهابي

في دوله الجزائر الله يكافينا الشر ويحمي المسلمين في جميع انحاء العالم..

وهاهو طير الغرام جاي من الدوم بكل حيويه ونشاط ... وسوف أجيبكم اخر الأخبار في نهايه اليوم

[الـزعيم]

من اقول الف مبروك للزعيم وجمهور للفوز في المباراه البارح ..

الي حضرتها انا والباز واخي أحمد مباراه كانت جماهيريه ماتوقعت انها كذا

صحيح ان البارد كان قاسي جدا لاكن مع حماس <<== حماس ولا فتح ..

مع حماس الجمهور راح البرد وبدأ التفاعل مع المباراه .. عاد البارح اثناء المباراه

كان جالس خلفي شايب وقاعد يفصفص وكل ماضاعت هجمه قام يهاوش ويتفل علي

اقولك ياولد فكنا منك ياولد ماهي بهي ياولد لاتتفل .. اخرتها قفلت اخلاقي السالفه طولت ..

قلبت الكرس ورى وقلت اسمع والله لأشتركلك في الي ار تي وش تبي بعد باقات رياضه وافلام

بس لاعاد تجي .. ..

[الـزعيم]

نكمل عن يومي السعيد .. الله يديم هل السعاده يامحمد

صراحه تغديت غداااء كان غداء دسم .. والحمد لله .. تغديت وطبعا بعد الغدااااء

يبدأ القيم مع طير الغرامــ كان القيم رائه لاكن هزمني هل المره بنتيجه 5__ 3 لصالحه ..

وبعد الهزيمه قلت خلني افتر في الشوارع ونسمع اغاني محمد عبده على عبدالكريم عبد القادر ..

اغاني اهم شي تكون طويله .. أفتريت الين صليت العصر وطلعت بعدها اتمشى .. ورجعت للبيت

وقمت اقرأ جميع اليوميات للأعضاء في القسم صراحه ولا هي مجامله الأفضل حاليا هو لونلي

لأنه ينوع في كل موضوع .. مو بس يخليه للعمل وهذا شي جيد .. والأن اذن المغرب وبتجه للمسجد

ولنا لقاء ايضا اخر الليل .. تحيه طيبه اخوكم الزعيم

[الـزعيم]

سلام عليكم يامسلمين ..


الأسن الساعه الواحده ليلا او نقول صباحا ..

صراحه اليوم كان يوم غير عادي لأننا تواجهنا مره اخرى انا وعليان في اللعب القيم ..

مباراه كانت راائعه جدا جدا

.. عليان .. الزعيم ..

وجها لوجه مره أخرى تم لعب اربع مباريات كلها حماسيه وجماهيريه ..

فزت انا في ثلاثه وعليان في واحده والستار عليان منبهر من حظه العاثر ويقول الوعد بكره يازعيم ..

نقفل موضوع المباريات ....

ودي أتكلمكم ياحباايبي عن موضوع مهم جدا في حياتنا هو الثقه في النفس ... صراحه انا اشوف

الكثير من الناس عنده اشياء كثيره في داخله سواء كلام او فعل لاكن للأسف لايملك الثقه في نفسه

لأتخاذ بعض القرارات المهمه في حياته وهذا شي لابد ان الشخص يبتعد عنه مهما كلفته من تفكير

دائم في عقله .. فالشخص لابد ان يكون ثقته في نفسه مالها حدود ليصل الى مايتمناه ويتمنا الاخرين

عنه وأهم شي يا أخوان يكون الأنسان صارم من بدايته في قراره مهما كان القرار .. وان فشل في قراره

لايكون نقطه تحول للماضي بالعكس كل ماتعثر كل ماتزداد قوه وتأقلم في الحياه .. وتزداد قوه في شخصيتك ..

ولنا لقااء مع أحلى يوم في الأسبوع غدا يوم الأربعاء ..

تحيه طيبه الزعيم

[الـزعيم]

سلام عليكم ورحمه الله وبركاته ..

اسعد الله مساائكم في هاذا اليوم الجميـــل .. الأجازه شارفت على الأنتهاء ..

ولا في الأجازه الى قوه نووومــ وسهر في الليل .. يوم الأربعاء اليوم اكيد يوم غير

ويوم يختلف عن ايام الأسبوع اشين مافي يوم الأربعاء زحمه طريق خريص

صحيح انها تجيب المرض والي موتره مو اوتماتيك يبلش صراحه ..

عاد تخيل وانت ماشي في طريق اخريص وسيارتك قيرها عادي والسياره الي قدامك

تماتيك والله انها تجيب لك المرض على ادنى حاجه التماتيك يمسك بريك وانت شغلتك عشق بالرابع

وبالخامس معاناه والله معاناه .. بس يبقى الأربعاء من بعد الساعه 11 ليلا يكون يوم راائع جدا ..

المهم سهرت البارح الي اهو يووم الثلاثاء ولا رقد الى فجر الأربعاء وهذا انا اتوي صاحي

وصراحه أخجلوني بعض الأعضاء الي رشحوني زعيم للفرسان خلفن للبرواز .. واقولهم ماقصرتو ..

لي رجعه مره اخرى

اخوكم الزعيم