يومياتي ^_^

[هموووسه]

أصبحنا وأصبح الملك لله




السلام عليكم ورحمة الله وبركاته ..


شلونكم يا جماعة ..


هنا راح تكون يوميات إن شاء الله ...


اليوم الصبح قعدت س5 وربع الفجر صليت وقعدت اجوس في البيت مدري شسوي لين س6 بدلت ثيابي وس6ونص ركبت السيارة وعلى طول المدرسة ومع زحمة الشوارع وصلت الساعه 7 المدرسة وعلى طول تسجيل حضور والحين انا بغرفة المعلمات ومجابلتن الكمبيوتر واصبح عليكم والحين ما عندي شي انتضر تجي حصتي الحصه الرابعه والخامسه عشان ادرس .. والحين بررررب بروح اتريق ..

وننتظر التفعيل ..


والى لقاء آخر ..

[هموووسه]

السلام عليكم ..

اليوم الاربعاء 12 / 12 / 2007

صباح الضحى ..


شخباركم يا شعب ..


اليوم كالعاده قعدت الصبح بدلت ثيابي خذيت أخوي الصغير وودقينا سلف رحت وديته المدرسه وانا رايحه مدرستي سجلت حضور رحت الغرفه تريقت ورحت أدرس ( شده على الراء) والحين ما عندي شي الا اخر حصة والبنات اكثرهن ما عندهم دفاتر رسم لان المعلمه اللي كانت تدرسهم قبل كله تغيب .. المهم .. والمعلمات اللي معاي بالغرفه عندهم مشروع الا وهوه اني امتن بالغصب وانا صامده ما اكل وايد لكن شكله بيخربوني لان اهم رايحين وجايين على الاكل ..

امس كان عندنا اجتماع للمديرين والمديرات بمدرستنا واول امس بس قالو لنا فما كان عندنا وقت كافي نرتب فيه المكان ولا فيه خامات كافيه وكل شي مخلص ومو موجود ,,, فتمينا نشتغل من س8 الصبح لي 7 الليل .. تخيلووو

رجعت البيت رجولي متكسره ما قدرت امشي عليها .. ورحت امس الدوام متأخر وصلت الساعه 10 الصبح لان صج صج تعبت وانا اشتغل ..


واليوم الحمدلله راحات .. والاسبوع الجاي اجازة طول الاسبوع عشان العيد الوطني وعيد الأضحى .. وبنداوم يوم الاثنين وناااااااااااااااااسه .. حلوه الاجازة حق سفر


والحين يبون الكمبيوتر المعلمات عندهم شغل

اذا عندي وقت بجيكم بعدين واذا لا اشوفكم اذا رجعت البيت ..


برب ..

[هموووسه]

13 / 12 / 2007

الخميس



وأخيرا جات الأجازه ..


يوم الأحد عيدنا الوطني


عاد اليوم بكل مدارس البحرين عندهم حفلة بمناسبة العيد الوطني ...


<< لبست احمر وابيض



عاد امس رحت السوق ابي جوتي احمر ( الله يعز المشاهد ) **حلوة المشاهد ليش تلفزيون خخخ ** وقعدت ادور وادور يالله بالموت حصلت عشان يصير طقم مع ثيابي ..


عاد اليوم حفلتنا وكانت وايد حلوه و وايد استانسنا ..


العصر رحنا البر الحين عاد موسم التخييم والكل مطيح هناك ..


يوم الجمعه يصير البر زحمه .. موتر سيكل رايح موتر سيكل جاي بنات يتمشون وصبيان رايحين وجايين
يعني عفسه ..


عاد احنا برنا يالبحرين لو تشوفونه ما تقولون هذا بر ..

كل مخيم جنب الثاني .. احنا اول ما خيمنا مكانا كان عجيب محد حولنا .. يومين الا مخيمين جنبنا .. بينا وبينهم بيب مال البترول يعني يمكن اقل من عشرة امتار .. تخيلوو بعدين حطينا سناح سدينا المكان عشان ما يكشفونا بس صوتنا عندهم انا نصارخ ..


المهم ..


عاد نقعد نلعب كورة مرات ومرات سوالف .. ولين صار الليل نشوي همبرجر او دجاج جذي يعني ولين يجهز الشعا ناكل سندويشات جبن خخخخ


وبس هذا برنامجنا حاليا .. كل يوم من نرجع من الدوام نتغدا او نودي غدانا معانا البر ونتغدى هناك وبس كل يوم على هالحال ..







ملاحظه : أدري ان أسلوبي مو ذاك الزود بس أن شاء الله يتحسن مع الايام .. لان انا ما قط كتبت مذكرات او يوميات من قبل .. عجبتني فكرة اليوميات .. قلت أجرب .. مرات الواحد يحتاج يفرغ اللي فيه ...



ولنا عوده ...

[هموووسه]

الأثنين 24 / 12 / 2007

الساعه 10:40 ص


صباح الخير يا وجيه الخير ..


مرحبا يومياتي العزيزة .. وحشتيني وااايد

(( غبت عني والشووووق جابك عمري الغالي هلاااابك ))




غبت عنكم أسبوووووع يااااااااااااااو والله ياهي مواقف صارت لي ...


خل اقولكم اللي أتذكره


قبل العيد بيومين رحت الصالون وكنت متوقعه اني اخلص بدري .. لكن تفاجأت بالزحمه .. وانا على فراغه قعدت الظهر ورحت الصالون .. واثاري الناس قاعده من صباح الله خير وقاعده عند باب الصالون قبل لا يفتح خخخخخ

رحت وخذيت لي رقم ولما سألت البنت اللي يشتغلون فيها كم رقمج تقولي انا رقمي من أمس
ياسااااااتر .. عيل انا متى بخلص قلت يله خل امشي واجي بكره .. ومن الكسل ثاني يوم نمت ولا رحت الصالون


بررررررررب سريع

[هموووسه]

باااااااااااااااااااااااااااااااااااااك

<<<<< وش هالبرررب اللي من امس لين ثاني يوم


الثلاثاء 25 / 12 / 2007


صبااااااااااااااااااااااااح الخير يا مدلل << يعني مذكراتي


اكمل موضوعي ,, وين وصلت ؟؟

مممممممممم


المهم اني ما رحت الصالون وجه العيد وعيدنا اول يوم مع الأهل وهفينا العيش واللحم يم يم .. وعدا اليوم على خير ..

ثاني العيد رحت مع أهلي مطعم شيليز في مجمع الدانه .. يا حبي لهالمطعم كلينا وترسنا هالدبيبه .. يعني الكرش خخخخخخ

بعد ما خلصنا الاكل اتصلت علي بنت خالتي

بنت خالتي : شرايج نروح السينما الحين ؟؟
أنا : هالحين ؟؟؟!!
بنت خالتي : ايه
أنا : انا مع اهلي الحين تونا مخلصين غدا ..
بنت خالتي : انزين دام انج في الدانه وخلصتي غداج روحي السينما وشوفي لنا فلمن حليو ..
أنا : طيب خل اقول حق الماما

سكرت الخط ..

قلت لأمي قالت طيب ..

أحنا كنا جايين سيارتين ..

المهم رحت اشوفلنا فلم دقيت عليهم

أنا : الوووو حصلت لكم خوش فلم اكشن تبووون ..؟
بنت خالتي : اي ..

رحت اصطفيت بالطابوور .. <<< ذكرني بايام المدرسه .. (( مدرسه صفا .. انتباه ))

جه دوري .. ترررررررن

بنت خالتي : الووو خلاص لا تحجزين نبي نروح سينما السيف ..
أنا : ليش ما قلتولي من قبل يوم وصلت قلتولي ؟؟ يله خلاص ججككك << يعني سكرت الخط..

شوي الا تررررررررررن

بنت خالتي : خلاص لا تطلعين نبي الفلم اللي في الدانه ..
:da:

أنا :الحين شلون تبون السيف او الدانه قالت الدانه ..

ورديت اصطفيت بالطابور . ولما جه دوري

الا تررررررررن ..

بنت خالتي : الووووووو خلاص خلاص سووووووري نبي السيف بس خلاص اخرر كلام ..

:da:

أنا : تره هذي اخر لكم مره تره من جد جننتوني ..

بنت خالتي : خلاص نبي نروح السيف ..

جان اروح اركب سيارتي واشخطها السيف .. الا زززززززززززززززززززحمه من قلب قلبين بعد ..لعنت اللحظه اللي وافقت فيها اني اروح معاهم السينما ..


المهم وصلنا السينما ..وما حصلنا الا اول صفه .. قلت لهم ليكووون عبالكم ان رايحين مسرحيه ؟؟

بس ما حصلو الا هالمكان ..

والفلم طويييييييييييل من ساعه 5:30 الا الساعه 8 وربع

لكن شنو تعبنا .. قلت لهم يله همزوا رقبتي عقابن لكم ..


وبس كل وحده رجعت بيتها .. وعدا اليوم على خير والحمدلله ..


ومن ثالث العيد لين اول امس كله بالبرررر ..

والجوو أنقلب 180 درجه من جو حلو اللا جو بااااااااااااااااااااااااااااااااااارد ..

ما غير الخشم ما يوقف هههههههههههههههه

وكنت لابسه يمكن الكبت كله من كثر الثياب ..


ومره يووم أجرنا مواتر سياكل .. وجان اركب فيها ووراي بنت خالتي .. واشااااخط فيها يميين ويسار واقحص ههههه.. واهيه تصارخ من الخوف .. تقولي شفيج انتي لووووفر هههه

هذي كانت اول مره وشكلها اخر مره اركبها وامي تقولي وقفي وقفي خلي اخوج الصغير يركب ويلعب شوي .. اقولها ان شاء الله ولما ايقرب اخوي مني اقحص في وجهه وامشي عنه ههههههه اخر شي ركبته معاااي وشاخطت فيه شوي .. لكن استانس وااااايد ..

وخالاتي يقولونلي خلاص تره هذي اخر مره تأجروون ما خليتونا نقعد على حيلنا قاعدين نشوفكم ونحاتيكم .. وبس هذي الاحداااث اللي صارت واللي اتذكرها ...


..

[هموووسه]

توني بروح اتريق الا جاتني طالبه تقولي معلمة عطوووج احتياط الحصه الرابعه والخامسه والسادسه ..

بس عاد الحين برووووح اتريق وارجع لكم اذا مداني الوقت ..


يله سي يووو سووووووون

[هموووسه]

الخميس

27 / 12 / 2007


الساعه 4 : 48 م



اخيييييييييييييييييييييييييييييرا جات الاجازة ..


عاد اقووووووووووولك

أمس لما داومت وعينت من الله خير وتريقت وترست الدبه رحت للسكرتيره وقلت لها يعني الحين انا صارلي شهر حتى ما جبتولي مكتب ولا كرسي شدعوه .. انا حاليا قاعده على مكتب وحده من المدرسات مؤقتا لانها ربت فما راح تجي الا بعد 3 شهور يمكن فلازم يكون لي مكتب عشان اذا جات المدرسه ترجع لمكاتبها وانا اروح مكتبي اللي ليحين ما وصل ..

قالت زين .. عاد اليوم الصبح اول ما دخلت الغرفه الا اشوف المكتب الجديد .. جان استانس وتصير ابتسامتي شبرين
عاد حطيت عباايتي وشنطتي واغراضي فوق المكتب وقعدت على الكرسي واتفحص المكتب .. انا قعدت على المكتب جان انصدم .. المكتب حده قديم ومستخدم وابي اجرب اقفل الادراج الا المفتاح معوي ولا يقفل عدل وبي افتح الدرج اللي بالوسط الا ويطيح بحضني شنو هذا ؟؟ يا ساتر ؟؟

جان عاد استحمقت وعصبت


خذيت الطاوله وخليتها على صوب وتوني بروح للسكرتيره الا جابو لي صف احتياط وبعدها صار عندي شغل بس ما قدرت اروح لها .. عاد قلت بروح الاسبوع الجاي .. واطلب حقي




بس عاد رجعت البيت واضرب الغدا بالخمس (( مجبوووس )) وقعدت مع امي واخواني سوالف شوي والحين جيتكم عشان اكتب مذكراتي العزيزة



ولنا لقاء اخر مع أحداث أخرى ..