اهم احداثي اليوميه (ônêly£) مع الهلوسه الفكريـه

[ônêly£]

السلام عليكم ورحمة الله وبركاته

يوم الاحد هو بداية وضع ملف خاص بي
ما كنت ابي احط لي موضوع والسبب راح تعرفونه بعدين

انواع الاشغال مع ان اغلب وقتي فاضي !!




احلى ما في النهار انه يعطيك احساس ان اليوم توه ما خلص



لي رجعه بعد ما افلع الموجودين بالبيض

[ônêly£]

عندي اجتماع الساعه 9 وباقي تقريبا خمس دقايق

الاجتماع لاحد المشاريع الهامه واللي انا عضو فيها لكن للاسف لا يوجد روح العمل الجماعي كل واحد يشتغل في حاله وتخيل لما يكون عندك مسؤول عن التيم ولا هو معطي اي اعتبار للي معااه ... مصيبه

الاجتماع ما دريت عنه الا قبل ربع ساعه حتى مو عارف عن ايش بالضبط !!!


اقولكم
لي عوده بعد الاجتماع

[ônêly£]

انتهى الاجتماع على الساعه 11
..

حسيت اني سويت انجاز اليوم بالعمل << لا يا شيخ
فعلا الواحد لما يتعب شوي ( شوي مو كثير لووول ) في شغله يرجع للبيت وهو مبسوط مرتاح ....حس انه سوى شي من اللي عليه تجاه عمله وباقي له اشياء بسيطه في البيت مثل مراعات الوالده او اذا كان متزوج يجلس مع زوجته واعياله يزور اصحابه او يتقضى لوازم البيت ومن هالامور الروتنيه كل يوم ..


لكن تخيل واحد جاي العمل ما نام الا( الساعه 3 الفجر ) حتى ما تروش الصباح عشان ما يتاخر على توقيع الحضور ..بس غسل وجهه بماء دافي وجري على الدوام ..وهو في الدوام كانه في مقهى انترنت فاتح شاشه الكمبيوتر وهات مواقع للجرايد والصحف الخليجيه والعربيه او منتديات لوووول وطول الوقت يعبي ..يعبي ..يعبي ....يعبي لحد ما يدوخ من الاخبار المكتوبه ...في النهايه يرجع للبيت ...تتوقعون بيكون سعيد وهو راجع للبيت !!!

عمر السعاده ما تجي بالراحه .......مستحيل

اذا الله سبحانه ذكر في القران ان الانسان خلق في كبد يعني شقااء نجي نغير المفهوم !!!

خير ما له داعي


الكلام ما يخلص وقربت الصلاة

[ônêly£]

الاثنين الموافق 10/12/2007

لما نقول اليوم الاثنين يعني راح يومين وباقي يومين على الاجازه الاسبوعيه !!
كثير ما اتكلم عن الاجازه على الرغم ان عملي ليس بالشاق وانتاجي داخل الاسبوع افضل 50% من ايام الاعياده والاجازات .!!.. ومع هذا انتظر وبكل شوق كل الفرص التي تساعد على اني استرخي + انام + اعتزل العالم ..


صباحك سكر يا من تشاهد كتاباتي

الساعه الان تشير الى الثامنه صباحا وإفطاري على طاولة مكتبي
ابي اوصف لكم مكتبي << والله من الفضاوه لووووول


لي عوده بعد الافطار

...

[ônêly£]

اجتماع الساعه 9 والنصف





مو ملاحظين كثرت الاجتماعات

[ônêly£]

رجعت لكم وقبل ما افتح الصفحه مريت على يوميات عذابي
الله يسعدها هالبنت ما غير تضحك ولا عمري شفتها زعلانه << طقها بعين

كان ودي اهديكم اغنيه تروق اعصابكم لكن للاسف
مواقع الاغاني كلها مقفله بالدوام ايه نسيت اقولكم الساعه الحين عشر وثلث


كلامي اليوم كله رسمي الله يعينكم على ثقالت الدم << من جد احس اني بطئ ..
بس تراها ما تطول لوووووووووول


المهم بالعمل لنا لبس ميداني للي حاب يلبسه
وانا كنت البسه قبل رمضان وبعد رمضان مسكت على الرسميه وما فيه الا ثوب وغتره
عاد قبل شوي في الاجتماع اللي قلتلكم عليه في ردي السابق كان معنا واحد من الزملاء
صار يسئلني وين البدله ؟؟ ههههههههههههههه

يا حليله ما توقعت يسئل لانه زميل فقط ...مابيني وبينه احتكاك
قلت له مفصل لي ثياب ايام عيد الفطر وقاعد اجربهم لووووووووووول

عندي عمل ميداني اشوفكم بعد الظهر ..

[ônêly£]

الثلاثاء الموافق 11/12/2007

صباحكم عسل بعد الساعه 10

لا احد يسئلني وينك الصباح وكاني مبلغ عليه اول ما دخلت
العمل اسحبوني مع علباتي <<< مطلوووووب

كان فيه سايت سرفيه والعمل مستمر

المهم لي رجعه بعد الظهر الوقت ضيق الان وزين اني رجعت
لمكتبي بدون ما يدرون لوووووول

باقة ورد للقاري رقم 64
تدرون هنا ما في ردود والا كان اهديتها للي بعدي

[ônêly£]

سبحان الله وبحمده .. سبحان الله العظيم
سبحانك اللهم وبحمدك , أشهد أن لاإله إلا أنت , استغفرك وأتوب إليك


رجعنا لكم ومع الهلوسه الفكريه

قبل ما اهلوس وافرغ اعطيكم اخر الاحداث الصباحيه
صحوه من الصباح افطار وقت الفطور عمل اثناء الاوقات الرسميه
ان شاء الله اكون وصلت المعلومه لكم

----------

اليوم نفسي اتكلم عن الحب ..رجاء لا احد يقاطعني
بخلي الايادي تكتب وما راح ادقق على كلامي لذلك لا احد يجيني بعدين ويقول انت قلت انا ما قلت شي والكلام اللي يطلع هو كلام اصابع مو كلامي !!!

اذكر ايام زماان ولحد يومنا الحالي لما نشوف احد يتكلم ويكون الكلام مغايرعن قناعاتنا نقول لبعضنا " تركك عنه هذا مو صاحي " مهما كانت الشخصيه مثقفه او حاصله على جوائز او فيلسوف او خبير في الحياه او شارب لووووول .. حتى المجنون لما يتكلم نستمع لما يقول ويمكن نقتنع او لا نقتنع لكن مستحيل نقول على كلامه صحيح حتى ما احد يصفنا بالجنون على الرغم ان للجنون فنون !!.. وحتى لا اطيل عليكم في المقدمه اقرى ما بين السطور واعتبرني " العاشق المجنون" ولا تخبر احد عما اقول


احلى كذبه في الحياه هي الحب ...نعم هي كذبه نعشقها وكل واحد يتمنى ان تتحقق له ويسعى على تحقيقها رغم الفشل رغم الألم رغم الجراح فهو لا ييأس ولا يقتنع بل يستمر في البحث عن كذبه اخرى عفوا بل يستمر في البحث عن حب جديد .. قد ينسيه القديم ( عجبي على الحب لا يمكن ان يمل منه ..برأيكم هل نستطيع ان نطلق على الحب ادمان مشروع بدل كذبه !!) ...كم تمنيت ان اكون محبوبا بالفطره