واليـوم كـنـي سكـنـت بــراس تـنـوره وانتي سكنتي على ماقيل في جده

[قلم ناشف]

يابـنـت قلـبـي خـذالـه بـالـهـوى دوره

متـخـرجٍ جامـعـي يابـنـت مـــن قـــده

لو هزه الوقت ماأرخى للعرب زوره

قد ذاق مـن حـر وقتـه صـادق الصـده

حطي .. رحالك.. ترى دنياك منزوره

لاتـعـتـلـي هـامـتــك دنــيــاك مـنـلــده

انـتـي علـيـا شكيـتـي الـهـم وبـحـوره

وانا غريـق البحـور وصـار للـي مـده

وراك مـا تنقذيـن اللـي قضـى شـوره

ضيّع شواطيك فـي جـزره وفـي مـده

يـسـج قلـبـي عـلـى طـريـاك يـانــوره

يغـيـب فـكـري عـلــى مـافــات واردّه

أعيد وقتٍ مضى بالصوت والصـوره

أخـرجــه وانـسـقـه يـابـنـت واعــــده

قمـت اتخيـل زمـان الـورد وزهــوره

لاجيـت يمـك أسـوق الـرجـل محـتـده

لاشفـت عينـك أقـول العيـن مكسـوره

أثـر الغـلا فـي عيونـك واصــلٍ حــده

تقـبـل عـلـيـه جبـيـنـك يلـتـمـع نـــوره

يضحك حجاجك قبل سنـك يجـي رده

أضيع في روضـتٍ بالحسـن مذكـوره

إفياضهـا تــروي الـلـي لاحـقـه شــده

ياحيـلـة الله وفـيـك النـفـس مـجـبـوره

حسبي على من عظيم الحـب قـد هـده

نـاسٍ سعـت بينـنـا ماهـيـب مشـكـوره

لارحم أبو مـن جاب امه وابو جده

واليـوم كـنـي سكـنـت بــراس تـنـوره

وأنتـي سكنتـي علـى ماقيـل فـي جـده

أظروف فرقاك منهـا الـروح مقهـوره

بيـض الليـالـي علـيّـه جــات مـسـوده


من الايميل لشاعر مجهول الهويه وبدون رخصه واستماره

[كآتم الآهآت]

إلله إلله .. إبدع وربي .. مشكور إخوي قلم نآشف علىآإ إلآبيآإت إلحلوه وربي لآ يحرمنآ منك يآ إلغآلي وإتمنىآإ لك إلتوفيق من كل قلبي ..

[الـزعيم]

صح لسانك ولسان قايلها يابو عاايض

وفالك التوووفيق وامانتن في بيت عاجبني <<-- وش عنده المريخي <<== ياكرهي له



نـاسٍ سعـت بينـنـا ماهـيـب مشـكـوره

لارحم أبو مـن جاب امه وابو جده


وعلى فكره يابو عايض تراني اطقطق في الشعر وخايف احط لي قصيده

هنا تجي على اغلى من بيعت السوق

[غاوي مشاكل]

صح لساانك وعلا شانك ياقلم مبدع بختيارك داائما لا عدمنااك

وشاعر القصيدة على ماعتقد الشاعر بندر بن منصور السبيعي

[A9eeL]

هلا وغلا فيك اخوي قلم ناشف
ويعطيك العافيه علي النقل الموفق والرائع
ابدعتنا بذوقك والله لايحرمنا من تواجدك
والله لايحرمك من عزيز وغالي
ودمت بود

[قلم ناشف]

كتوووووووووووووومي
ياهلا وسهلا بكاتم
نورت ياغلاهم .. يعجبني الخط اللي تكتب فيه

تحياتي لك اخوي


الزعيم

اجل عجبك ذا يالزعيم

اقتباس نـاسٍ سعـت بينـنـا ماهـيـب مشـكـوره لارحم أبو مـن جاب امه وابو جده

شرايك عاد ان العجز ((لارحم ابو من جاب امه وابو جده)) مهووب من تأليف الشاعر
كان شي ثاني مايركب مع القصيدة .. وغيرته انا
اسأل ابو جابر اكيد يعرف القصيدة كامله دام انه يعرف شاعرها

يابعد أأألبي يالزعيم ماعجبك الا البيت اللي غيرته انا << تستاهل ورده


غاوي مشاكل
يامرحبتين والله يابو جابر .. مرورك وتشريفك لي هنا بأي قصيدة اضيفها للمنتدى يعتبر وسام على صدري .. بس لو ترد علي بأي مكان ثاني مااعتبره وسام
في القسم ذا تهمني ردودك بصفتك انسان شاعر وتفهم في الشعر وبحوره

على فكره بو جابر .. شووف البيت اللي يقول عنه الزعيم وشيك على العجز حقه .. هل هو نفسه اللي كتبه الشاعر اللي ذكرته بردك؟؟

ولا خلا ولا عدم ياسنايدي

احتراماتي لك



اصيل
صاحب القلم الحساس الذي ينبض شعر وخواطر واحاسيس موجوده عن كل البشر
بس محد يقدر يعبر عنها
الا من يمتلك الادوات المناسبة لايصالها للمتلقي ..
وانت ماشاء الله عليك عندك شنطه العدة كلها


نورت صفحتي يالغالي

والله لا يحرمنا من طلتك الحلوه

[غاوي مشاكل]

عزيزي الغالي قلم ناشف سعدت بردك الجميل

وللامانه الشعريه ان تنقل لنا القصيده بدون ماتغير فيها حتى القاريء

ماينتقد القصيده بسبب صدر او عجز من تاليفك

وهذا هو عجز البيت الاصلي للقصيدة

((لارحم أبو مـن تسبـب ولا رحـم جـده))

واشكر لك سعه صدرك

[بنت المملكه]

صح لسانك
لاخلااا ولاعدم


مبدع كالعااده
شهادتي مجروحه فيك..
كما عهدناك متالق في كل شي..

تحياتي لك
يالغالي

[قلم ناشف]

ولكم اجييييييين بو جابر

مرحبا بك مره ومرتين وامرار

لما قريت القصيدة اول مره ماكان واضح عجز البيت وماكان مبين الا كلمة القاف(جده)

بغيت احذف البيت كله من القصيدة لكن البيت ذا وعلى قولة الزعيم احلاهم!!

وبناءً على مقدرتي الشعرية <<<< اقول تلايط بس

قررت عدم حذف البيت وترقيع العجز اللي مهوب مبين عندي باللي شفته

وانا ذكرت الشي ذا ياغلاهم بردي على الزعيم

اقتباس شرايك عاد ان العجز ((لارحم ابو من جاب امه وابو جده)) مهووب من تأليف الشاعر

مشكووووووووور على ردك ياعمده

[قلم ناشف]

وصح بدنك يابنت المملكة

دائماً تحرجيني بكلماتك واطراءك لي