انا وانا مالي دخل بالسالفه لو تمسكه ايدي قطعته ارباً ارباً؟؟؟؟؟؟؟

[عاصم بن عاصم]

شباب صبايا ابي رأيكم لو شفتو هالوقح شنو راح تعملوا له
هذا واحد واطي(مجهول) ارسل هالقصيده الى زوج رفيججججته(عشيقته,خويته, صاحبته)اللي ودكم تسمونه المهم في ليلة الدخله

الله يهنيك


أبد ما جيت أبــــارك لك ولكن جيت باوصــــــــيك

على الله ناوي(ن) تدخــل بها اللـــيله ... معذبتي


ترى لولا الظروف اللي عطّـتك وحدّت محـاكيك

قســـم بالله مـــا تدخل عليـــــها لو على رقبتي


ولكن النصيب أقوى ولاادري ويش اسوي فيك

نعــم...صــارت معزبتك,, ولا صــارت معزبتي


كذا شـاءت بنا الأقـــــدار تحرمني لجل تعطيك

كذا لازم عشــان تفوز انت,,أنا اخـسر بتجربتي


تراها غاليــــة جدا..وتكفى.. والله يخلـــيــــك

تدللــــــــها..تدلعــــــــها..تنسّــــيها مصاحبتي


أنا من كثر مااغليها أحس اني بديت أغلـيك

ولاتسـأل بأيـة حـق والا وش مناســــــــــبتي


لأنك لو بتسألـني بتسمـع شي مـــــــا يرضيك

لذا يا خــــــوي لا تسأل ولا تسمـــــع لأجوبتي


أبيك تحطها في داخل عـيونك وبين ايـديـــــك

وهي دلوعة إعتــــــــادت على كثرة مداعبتي


فداعبـــــها شوي شوي حـتى تشتهي طاريك

وشاغبها إلـــــــــيـن تقول: بـطّــل من مشاغبتي


واذا هي مالها خلقك,,ولا تضحك ولا تسليك

تحمّلــها وإسألـها :ياعمـــــري ليـــه عصّبـتي


وبالك أسمع انك يوم تضربهــا وهي تشكيك

ما يحتــاج أوري لك بفن الضـــرب موهبتي


صحيح انك بتملكـــها ومعك العقــد بالتمليـــك

وانا عــــارف حدود الله ومن حــقـــك معاقبتي


ولكن قل لها : المجنون وصّـــاني وهو يعنيك

يقــــــول انه بيــنــتظـرك لوشـيّـب وشـيّــــبتي


وانا مجنونها اللي مـا نساهــــــا وانت مايمديك

تغــطي ذكريـــــاتي.. في هواهــــا و ربع تجربتي


أحس اني تماديت بكلامي,, والغضب حـــاديــك

ولو انك في مــكاني ما تفكر في محــــــاسبتي


كفاك اني تركت الليــــله أشغالي عشان أجيك

دخلت القاعة برجلي ولا أدري ويش عاقبتي


وانا ما جيت أخرّب عرسك الليله ولا أذّيـــك

أنا جيتك عشــان أخاطـبك واسمع مخـــاطبتي


توصّــــى ... وانتبه.. واحرص عليها والله يهنيك

ترى كل الكلام اللي طلع من ضيقي وكبـــتـــي


ولكن ما قدرت اني أقوله وانت مايخفـــــيك

أخـــــاف اني اذا قلته تقوم وتقطـــع رقبــتي

حسبنا الله ونعم الوكيل على كل رخمه(يعني واحد مهوي لا مبدأ ولا خلق ولا دين ولا حتى عادات وتقاليد) يعني مجرد من كل شئ حتى الاحساس
والله جاب العيد فالبنيه الله لايوفقه ولا يحلله ولا يرحم والديه
تكفون يالربع انا في حره عليه ابي اعرفه اليوم قبل بكره عشان ابي اقوله ( يا اخي ماعندك احساس؟)

[غاوي مشاكل]

حجززززززززززززززززززززز اول ولي عوده يابن عاااصم

[أصيله]

الحمدلله والشكر..بأسم أي نوع من أنواع الحب يتكلم هذا الخبل؟؟

حتى جنون الحب ماهو كذا؟؟

المفروض أنه يحاول إنه يخلي حبيبته من نصيبه بكل الطرق؟؟

ماهو يتركها لين تضيع من يدينه ويصيح ضاعت؟؟

يعني هو كذا ضيع مستقبلها مع هذا الرجل..نفترض إنه ماطلقها ولا قدرت هي ترجع لحبيبها

بالله عليك ماراح يعذبها زوجها اشد انواع التعذيب أقلها إنه بيعلقها لاهي مطلقه ولامتزوجه؟؟

أنا متأكده إن هذا الشخص مراهق لاوالله حتى المراهقين أعقل من كذا..

بصراحه يحق لك تنقهر من هالقصيده؟؟

بس تدري والله شكله مسكين يحبها صدق ..صحيح اللي سواه خطاء100%

لكن شكله متعذب وترى الحب فعلاً يعذب الله لايحرم حبيب من حبيبته.

[غاوي مشاكل]

استاذي ابن عاصم

عبر الشاعر عن اللي بخاطره وصحيح كان تعبيره اناني بما تحمله الكلمه

والمفرووض انه ستر على ماواجه مهما كان الحب اللي بينهم فلقد انتهاء بمجرد

انها تزوجت شخص اخر ومن المفروض انه لا يعيبها امام من تزوجها حتى لا يفضح

نفسه اولا وهي ثانياا ولا الوومك استاذي العزيز


خالص التحاياا القلبية لشخصك ,,,,,