في خاطرك تؤدي العمرة لمن؟؟

[&يسموني القمر&]

(( في خاطرك تؤدي العمرة لمن؟؟))



السلام عليكم ورحمة الله وبركاته

وانا اتصفح اليوم في المنتدى جذبني موضوع لدرجة ما تردد اني اقراه واشوف شنو فيه

وهالموضوع موجود بهالصفحة

http://www.lonelyweb.net/vb/showthre...700#post402700

الموضوع مأثر صح


المهم

اللي حابة اقوله .. الكل يتمنى ان يؤدي عمرة لنفسه ولغيرة ..

ولكن في منا ما يقدر حتى يؤدي عمرة لنفسه

في هذه الصفحة أبي الكل يكتب من يبي يؤدي له العمرة أو لشخص يقرب له أو يعرفه

واللي فيه الخير ويقدر يؤديها فليؤديها

وجزاكم الله خير جزاء


وانا بأبتدي


أولا ابي أؤدي العمرة لنفسي

ولمجنونة اللي جنب بيتنا

وللعمي اللي اشوفه يمشي كل يوم .. بس (صار لي شهر ما شفته يمشي)



واكيد في بالي ناس وايد

بس اكتفي الحين باللي ذكرتهم .. واذا في قائمة جديدة بأذكرها

ياريت الكل يشارك


جزاكم الله خير جزاء

[بناتين]

اقتباس السلام عليكم ورحمة الله وبركاته

و عليكم السلام ورحمة الله و بركاته .. يا هلا حبوبة

اقتباس الموضوع مأثر صح

..يا حليله علي الصعب ..يا لبى قلبه ..

ربي يجزيه الخير و يرحم الفرنسي المسلم جون مارك ..

اقتباس (( في خاطرك تؤدي العمرة لمن؟؟))

مممم .. لو بإيدي بعتمر عن كل إللي توفوا من أهلي .. و ما صارت لهم فرصة يعتمرون ..



بس حاليا إللي جى ع بالي ..


خالي & و خالتي & خالتي الثانية

" الله يرحمهم جميعا "




" يسموني القمر "

تسلمين يالغلا ع الموضوع الحلو


لج مني أحلىى وردة


تحياتيــ

بناتينــ

[مزنة المزيونة]

موضوع وايد حلووو
طبعا اول شي انا معمري مااعتمرت ..
فخاطري صدق اسير اعتمر ... وعقب هذاا
راح اعتمر عن امي وابوي لانهم
اهم شخصين عندي في هالدنيا
الله يخليهم لي يارب ....
تحيــ مزيونة المنتدى ــاتي

[عبدالعزيز بن سعود]

السلام عليكم ورحمة الله وبركاته

تسلمين خيتوو على فكرة هالموضوع

وبالنسبة لي أبي أودي العمرة عن نفسي حتى لو اني اعتمرت أكثر من مره

ولكن العمرة الى العمرة مكفرات لما بينهما إذا أجتنبت الكبائر :bf:

وودي أدي العمره عن جدتي العميانه

أممممممممممممم

واختي الله يرحمها

وكثيرين ودي أودي العمرة عنهم ...

بس هذولا الل يحضروني الآن

شاكر لتس على الموضوع :cv:

* * * * * * * *

عزوز

[قلم ناشف]

ودي اعتمر عن ابووي

وسلامة عمك يسمووني القمر يقووم بالسلامة ان شاء الله

[الباز الرحال]

اقتباس (( في خاطرك تؤدي العمرة لمن؟؟))

عمـــــــي الله يرحمه ويسكنه الجنـــــــــه

[سلمى]

السلام عليكم..

سؤال جميل كنت أفكر فيه قبل يومين..
بنفسي أؤدي العمره عن جدتي وجدي اللهم يرحمهم...
لكن أعدت التفكير هل أنا أديت عمره صحيحه ؟..

يعطيكم العافيه يمكن كتابتنا لهذه الخواطر قد تجعلنا أكثر جديه في المستقبل

شكرا يسموني القمر..

سلمى

[3a$aL_!n_Uk]

: )

بنفسي اعتمر عن نفسي اولاً و ألتـــــــزم ..

وبعدين بقضي عن الناس الي بدي

و اولاً اكيد بختار اهلي الله يطولي بعمرن ويعطيهن الصحه مع انو اعتمرو كزا مره الحمدالله .. لكن هني الي اجو ع بالي حالياً

يسموكـِ القمــر ..

يسلمو ع موضوعك الحلو

^_*

[برنسيس]

بنفسي اعتمر عن والدي رحمه الله واسكنه فسيح جناته

والعمره في رمضان تعادل حجه فافضل ان تكون في رمضان

يعطيكي الف عافيه على الموضوع الجميل