على حد الزمن
على حد الزمن واقف..
واشاهد عبرة الايام..
وشمس العمر تغرق..
في بحرها لين يخفيها..
واشوف الليل يكبر..
والنهار يذوب في ظلام..
حزينة لحظة المغرب..
وداع النور يطفيها..
واشوف الموج يرقص..
والدموع من السحاب رزام..
عجيبة رقصة الموجة..
ودمع الغيم يبكيها..
واشاهد غربة الموجة..
لقت عقب السفر مقام..
على رمل السهل تالي..
زبدها مايوعّيها..
سرى بي هاجس الذكرى..
على متن الخيال وهام..
يرد الذهن لايام..
تعدّني لياليها..
أضم الطيف بعيوني..
واعانق ساري الانسام..
واردد نغمة الماضي..
على قلبي واغنيها..
ألا ياليل..
ياليل الغريب اللي سهر مانام..
تذكّر له..
على بعد المسافه عين يغليها..
أمانة ياقمر..
ياساريِ بالليل خذ سلامي..
وصبه شوق..
في عين الذي عيني معنيها..
حنين الولف ياهل الولف..
يجلب للقلوب هيام..
ومن يجرح قلوب الولف..
لابد يداويها..
اغني للقلوب اللّي..
عزاها بالحياة احلام..
وارد الشان لاهل الشان..
باولها وتاليها.
_____________________-
تحياااااااااااتي
|
جذاب بس كذاب 
العرض العادي
