تعـــبت اقول لــضيقتي سهود ومهود
الــيا متى هالعــذر بيكــون عذري
البــارحه يوم اكثر العالم رقــــــود
عــادت علي اللي تــجي منيـن مدري
الضــيقه اللي كل ماراحت تعــود
مكــانها مابــين قلبــي وصـــدري
نــاس (ن) تنــام مدهنــه فــي دهن عود
ونـــاسن تنام مدهنــه بــزيت مقري
ماهــوب مثلي من اقــرب انسان مجحود
الله يــسامح من نســى اليــوم ودي
صـد ومـاكنه عـلى الارض موجـود
مـايدري انـه اول اسبـاب كسـري
كـل ماطـرالي قلت يـجي يـوم ويـعود
يـاليـت كل من صـد ماعـاد يـطري
لـو تسـتحي من فعلــها أيـامي السود
كـان استـحت مبـطي ولاطـال صـبري
قدمــت بالمـوجود لخـاطر الجـــود
ليـن التــفت ولابــقا شـي حـدري
عطــيت من عمـري ولاشـفت مردود
يـالاسـف للنـاس ضـيعت عمـري
مـاني عـلى بعـض المخـاليـق محـدود
امــوت مانــزلت للـناس قـــــــدري
والضــيقه اللي كـل ماراحت تعـود
مصـيرها عن داخـل الصـدر تسري
ابتـــدهن مثلــــهم فــي دهـن عــــــود
وان ضــقت عندي لضيقتي زيت مقـري