غلا روحي صادقه صراحه وجبتيها على الجرح
ونصيحه اذا تبي العامل ما ينحاش عامله بالجذمه وانتم كرامه الطيب ما ينفع معهم
من كثر النحشات والتاخر في استقدام العامل والشغاله وبالتحديد قبل شهــر تقريبا اخوي كان ناوي يطقلي تذكره حتى اروح اجيب لنا شغاله بعد ما اصبحت موضه هروب الشغاله او العامل لان عندما تروح هناك في نفس البلد كلها اسبوع والشغاله معاك وانت تختارها لكن الحمد الله ...الله فكني من الروحه بعد ما تبرع احد زملائه بالذهاب
قصص النحشات
(1)
سواقين اخوي
لي اخ (والكلام ليس ببعيد ) قدم على سواق ولما وصل انحاش وقدم مره ثانيه واستمر معاه كذا شهر وبعدها انحاش وترك اغراضه وملابسه ... المسكين تعقد من المرمطه في التبليغ لكن صار عنده خبره لووووووول اي واحد من الشرقيه تنحاش شغالتهم يعطيني خبر وانا اخلي اخوي يعلمه الاجراءات هههههههه
(2)
شغالتنا والسواق + شغالة اخوي
بيت لا فيه بزارين والشغل بسيط جدا ومع هذا انحاشت الشغاله وضفت معها السواق وشغالة احد اخواني وكانو مخططين للنحشه بحيث ان كل الشغالتين كانو يطالبون بمبلغ من الراتب بحجت انها تبي تشتري اغراض لها !!! انحاشوو وانتهى الامر والاداهى ما في الموضوع ان اجراءات التبليغ في الرياض تختلف عن منطقة الشرقيه ومثلها في جده كل واحد له قانون على كيف كيفه
(3)
شغالة بنت خالي
كانت عندها شغاله كويسه ولا كانت تشتكي منها وامورها تمام لكن حدث انهم راحو الى جده وفي احد المناسبات تركو الشغاله في البيت ولما رجعو ما حصلو الشغاله وبعد مرور اسبوع تتصل عليهم الشغاله وتقول لها ماما انا في شوكل جده لوووووووول
============================
اسباب هروب الشغالات او السواقين
لا اعتقد ان هروب الشغالات نتيجه عن سوء المعامله بل لان هناك من يدفع اكثر لطلب شغاله حتى لو كانت غير نظاميه ... والشي هذا اوجد ظاهرة هروب الشغالات وتكوين مجموعات تحت رئاسة شخص معين يقوم بتاجير هذه الشريحه من الشغالات الهاربات في الاسبوع او الشهر ويطلب مبالغ لا تاخذها الشغاله في شهر بل في اشهر !! تخيل اذا عندك زواج وفي امس الحاجه الى شغاله فترة الزواج وتبيها لمدة اسبوعين فانك تستاجر شغاله بـ 1500 ريال لمدة اسبوعين مع العلم ان راتب الشغاله خلال شهر كامل لا يتعدى 650 ريال ومن الدهاء في هذه المجموعه التي تاجر الشغالات انها لا تضع الشغالات في مكان واحد يعني لما تطلب يقولك روح البيت فلاني وتحصلها ولما تطلبها مره ثانيه تحصلها في مكان ثاني حتى لا يكشف امرهم ...
بالنسبه الى كلام الاخت غلا روحي فعلا مدري ليه يروحون الى جده يمكن لان فيها هيتاان وبقايا حجاج تخلي الهارب من العمل سواء كانت شغاله او سواق يلاقي له صدر حنون ومن بلده ومعشش في جده وفاهم مخارجها اما مسئلة كيف يوصل جده هذا السؤال ممكن الاجابه عليه ببساطه اولا لان ما عندك احد ثانيا ان السواق مسموح له التنقل بين ارجاء البلاد بدون موافقة الكفيل يعني اذا معه الاقامه يقدر يتوكل على الله وينحاش ولا فكر فيك ..