منتديات لونلي - عرض مشاركة واحدة

**فريق الفراشات** · 16-05-2008

وكان ختام لقاءاتنا

مع ضيف

روحه مرحة

اجاباته اتسمت بخفة الدم
كان عفوي باجاباته

وبعد المقابلة معاه

كل الفراشات قرروا
يطولون شعورهم

كان ضيفنا الاخير

عبدالعزيز بن سعود

اترككم مع مقابلة الفراشات لعبدالعزيز بن سعود

س1-.كنت في محل تتبضع مع احدى قريباتك واخذت تتستفسر عن قيمة السلعه وتناقش مع البائع متجاهله وجودك بجانبها تماما؟ وش ردة فعلك؟

بعطيها نظرة معناها ( استحي على وجهتس معتس رجال يتفاهم معه )

وإذا ما نفعت هالنظرة خليتها تطلع من المحل بدون ما تشتري شيء ورجعتها لبيتها

فتجاهلها لي بهذي الطريقة يدل على انها ما عبرتني ولا احترمتني

فأنا بغنى عن تضييع وقتي معها

س2-.كنت متكي في احدى المطاعم واذ بمرور شخص وسيم جدا أثار انتباه (أختك&بنت عمك&خالتك)واخذت تثني على جماله وتمتدحه .,.
هل هذا الامر يثير غيرتك ولا امر عادي بالنسبه لك؟!وماهو موقفك؟!

حصل معي هالموقف شخصيا

كانت معي اختي في مطعم وكان فيه واحد ماعليه زوين يجي منه

فهي بكل عفويه اثنت عليه وعلى لبسه

عادي جدا تتكلم عن رايها

وكان الجو اصلا فله ووناسه يعني طالعين نتعشى برى ونوسع الصدر

ما كانت تقصد شيء ثاني

انا هنا صح طقتني الغيره شوي بس ما الومها اللي معها شين وشعره فلافل

(( يقصد نفسه ))

لكن تداركت الموضوع بأسلوبي وجلست اتريق عليها واقول

وش رايتس بعد اروح اناديه يجلس معتس ...

استحت وفهمتها وغيرنا الموضوع وفليناها

س3- من تكون الأنثى التي تقف أمامها ضعيفا ؟!

(( أمي ))

أضعف قدام كل شيء فيها

س4- هل خضعت يوما حربا للوصول إلى قلب امرأة؟! وهل فزت بقلبها؟!

لا ...

وش يضمن لي ادخل حرب وحالتي صعبة وفي النهاية تطلع البنت ما تفكر فيني

س5- ما هي الكلمة التي تربكك من الانثى ؟!

مدري بصراحه مافيه كلمة معينه

س6-. لماذا تتوقعو اننا لانستطيع العيش بدونكم ؟!

لانها معادله ثابته وهي سنة الحياة

الرجل و المرأة كلن يحتاج للثاني

مهما كابرتوا ومهما كابرنا مردنا لبعض

س7-. هل خطبت مرة وتم الرفض من قبل البنت ؟!

لا

س8-. كيف تميز بين المرأة ذات الأخلاق العالية.,. وبين المرأة التي تفتقر إلى وجود الأخلاق ؟!

من أسلوبها ومعاملتها في السوق ... لانه المكان الوحيد اللي تكون المرأة على سبحانيتها ( طبيعتها )

س9-. أكثر صفة تحبها بالمرأة.,. وأكثر صفة تكرها بالمرأة؟!

طولة البال وسعة الصدر ,,,,,,,, الجرئة حد الوقاحة

س10-.ماهي مقومات جمال المرأه من وجهة نظرك ؟!

ما ودي اجلس اتفلسف واقول الدين والاخلاق وغيرها

لان هذي الاشياء اساسية

ولكن شيء مهم بالنسبة لي واعتبره نص جمال المرأة

(( الشعر الطويل ))

محاكيكم يروح وطي وتضيع علومه مع الشعر الطويل

ما تهمني ملامح المرأة كثر مايهمني ان شعرها يكون طويل

لان الشعر الطويل يزيد من جمال المرأة ويغطي عيوبها في كثير من الاحيان

لكن للأسف بناتنا هالايام صاروا يقصون شعورهم

وموضة الشعر الطويل صارت قديمة (( انت كلك على بعضك قديم ))

نشكر عبدالعزيز بن سعود على تجاوبه مع الموضوع